+7 701 759 90 19

Atyraýda ınvestorlar 3,6 mlrd teńgeniń jobalaryn iske asyrady

2021 jylǵy 1 naýryz 21:56
Atyraýda ınvestorlar 3,6 mlrd teńgeniń jobalaryn iske asyrady

ATYRAÝ. QazAqparat – Atyraý oblysynda Reseı ınvestorlary 3,6 mlrd teńgeniń jobalaryn iske asyrady, dep habarlaıdy QazAqparat.

Uqsas jańalyqtar
Atyraýda jol jıegindegi qorshaý mal júrmes úshin tokqa qosyldy

Atyraý oblysynyń ákimi Mahambet Dosmuhambetovpen kezdesken reseılik ınvestorlar toqyma polıpropılen jáne geosıntetıka óndirý tsehyna qatysty quny shamamen 3,6 mlrd teńgeni quraıtyn eki jobany júzege asyrýdy kózdep otyr.

«Elimizde ınvestıtsııalyq ahýaldy jaqsartý úshin quqyqtyq turǵydan aýqymdy jumys atqarylyp keledi. Biz de óńirdiń ınvestıtsııalyq múmkindigin arttyrýǵa qolaıly jaǵdaıdy qarastyrýdamyz. Óıtkeni, óndiris qaı kezeńde de aımaqtyń áleýmettik-ekonomıkalyq damýyna oń yqpalyn tıgizedi. Sondyqtan, Atyraýdyń damýyna yqpala etetin ınvestıtsııalyq jobalardy qoldaýǵa daıynbyz», - dedi oblys ákimi Mahambet Dosmuhambetov.

Reseılik «ÝltraStab» JShQ-nyń kommertsııalyq dırektory O.Kostylevtiń aıtýynsha, qazir jobanyń birinshi kezeńi úshin eki sheteldik stanok satyp alynǵan. Sondaı-aq, óndiristik jabdyqtarǵa tapsyrys berilgen. Jobanyń tehnıkalyq-ekonomıkalyq negizdemesi ázirlengen.

«Jylyna 3 mln sharshy metr geosıntetıka óndirý tsehyna 38 adamdy turaqty jumyspen qamtý kózdeldi. Al, ekstrýzıondyq geosıntetıka óndirý tsehyna 44 adam turaqty jumysqa ornalasady. Onyń qýaty jylyna – 5 mln sharshy metr. Bul tsehatr jyl sońyna deıin iske qosylyp, ónim shyǵara bastaıdy», - deıdi O.Kostylev.

Atalǵan jobalarǵa shıkizat shetelden tasymaldanady. Keıin shıkizatty Atyraýdaǵy KPI kompanııasy iske asyryp jatqan ıntegratsııalanǵan gaz-hımııa kesheninen alý josparlanǵan.

Reseı ınvestorlary qurylysqa qajetti san túrli daıyn ónimderdi shyǵarýdy kózdep otyr. Onyń ishinde avtokólik jáne temirjol qurylysyna, ónerkásiptik qaldyqtardy saqtaý men jaǵalaýdy nyǵaıtýǵa qoldanylatyn materıaldar bar.


Avtor:

Bek Mustafa

Bólisińiz:
Uqsas jańalyqtar
Sondaı-aq... oqyńyz
Jańalyqtar