Jańalyqtar  >
  Sport
Indor hokkeıden Azııa kýbogi: qazaqstandyq komandalar júldeli oryndarǵa talasady
2022 jylǵy 14 tamyz 03:30

Indor hokkeıden Azııa kýbogi: qazaqstandyq komandalar júldeli oryndarǵa talasady

NUR-SULTAN. QazAqparat - Indor hokkeıden (jabyq ǵımarattaǵy hokkeı) elimizdiń erler jáne áıelder quramasy Azııa kýbogi oıyndarynda júldeli oryndarǵa talasady, dep habarlaıdy QazAqparat tilshisi.

Erler quramasy qaı orynǵa talasatyny erteń, 14 tamyzda Malaızııamen kezdesýden keıin anyqtalady.

Qazir týrnır kestesinde Malaızııanyń 11, Qazaqstannyń 10 upaıy bar. Ózara kezdesý barysynda jeńimpaz bas júldeni sarapqa salady. Jeńilgeni úshinshi oryn úshin synǵa túsedi.

Al kósh basynda 15 upaımen Iran quramasy tur.

Aıta ketsek, qazaqstandyq hokkeıshiler budan buryn Indonezııamen 4:4 esebimen teń tússe, Sıngapýrdy 6:1, Taıvandy 5:1, Taılandty 6:3 esebimen tize búktirdi. Taǵy bir kezdesýde Iranǵa 3:4 esebimen jol berdi.

Qazaqstandyq hokkeıshiler buǵan deıin Azııa kýbogynda 2014 jyly qola júldeger atansa, 2015, 2017, 2019 jyldarda kúmis medal aldy.

Al elimizdiń áıelder quramasy bıylǵy týrnırde qola júldege talasady. Bul kezdesýde 15 tamyzda Malaızııamen sheberlik baıqasady.

Buǵan deıin olar toptyq kezeńde Shrı-Lankany 13:0, Irandy 5:2 Taıvandy 6:0 esebimen tize búktirip, jartylaı fınalda Taılandqa 0:6 esebimen jol berdi.

Qazaqstandyq hokkeıshiler buǵan deıingi Azııa kýbogy oıyndarynda 2010, 2012, 2014, 2015. 2017, 2019 jyldarda Azııa kýbogynyń jeńimpazy atanǵan bolatyn.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT