+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Іlııas Jansúgirov shyǵarmalarynyń 20 tomdyq jınaǵy jaryq kórdi

2019 jylǵy 13 qazan 12:48
Bólisińiz:
Іlııas Jansúgirov shyǵarmalarynyń 20 tomdyq jınaǵy jaryq kórdi

TALDYQORǴAN. QazAqparat – Taldyqorǵanda aqyn, dramatýrg, aýdarmashy ári jýrnalıst Іlııas Jansúgirovtiń 20 tomdyq jınaǵy oqyrmanǵa jol tartty, dep habarlaıdy QazAqparat tilshisi.

Almaty oblysy ákimdiginiń baspasóz qyzmetinen málim etkendeı, aqynnyń 125 jyldyǵy aıasynda jaryq kórgen jınaq 10 myń danamen basyp shyǵaryldy.

«Óz eli óz erlerin eskermese, el tegi alsyn qaıdan kemeńgerdi» ǵylymı-praktıkalyq konferentsııa sheńberinde ótken tusaýkeserge oblys ákimi Amandyq Batalov qatysty.

«Óskeleń urpaqqa qaldyrǵan baı murany nasıhattaý maqsatynda oblysta kóptegen jumys atqarylyp jatyr. Elbasynyń «Rýhanı jańǵyrý» baǵdarlamasy aıasynda ótkenimizdi, tarıhymyzdy, mádenı muramyzdy jan-jaqty taldap, zerdeleýge múmkindik týdy. Prezıdent Qasym-Jomart Toqaev: «Rýhanı jańǵyrý bizdiń basty baǵdarymyz bolyp qala beretinin», - atap ótip, baǵdarlamanyń eldiń odan ári damýy úshin mańyzdylyǵyn aıtyp ótken edi. Bul baǵdarlama qazaqtyń uly aqynnyń murasyn, qazaq ádebıetiniń altyn qorynyń qazynalaryn saqtaýǵa, kóbeıtýge múmkindik berdi», - dedi oblys ákimi jıynda.


Óńir basshysynyń aıtýynsha, Іlııas Jansúgirovtiń eńbekterin nasıhattaý maqsatynda aımaqta kóptegen mańyzdy sharalar, onyń ishinde arnaıy ǵylymı ekspedıtsııa da júrgizilgen.

«Ekpedıtsııa músheleri Máskeýge deıin baryp, aqynnyń erekshe muraǵat qujattary men kitaptarynyń kóshirmelerin ákeldi», - dedi ol.

Amandyq Batalov sonymen qatar, Іlııas Jansúgirov atyndaǵy qordyń qoldaýymen bıyl tanymal aǵylshyn aqyny Belında Kýktyń aýdarmasymen «Qulager» poemasy aǵylshyn tiline aýdarylǵanyn málim etti. Atalmysh poemany orys ádebıetiniń klassıkteri Pasternak, Mandelstam, Tsvetaeva óz tiline aýdarǵan bolatyn. Sonymen qatar, buǵan deıin nemis aqyny Gerd Haıdenreıhtiń arqasynda týyndy Gete tilinde de jaryqqa shyqqan.

Osydan keıin sóz alǵan Qazaqstan Jazýshylar odaǵynyń tóraǵasy, Memlekettik syılyqtyń ıegeri, aqyn Ulyqbek Esdáýlet ekpedıtsııanyń arqasynda Máskeýden aqynnyń 18 kitaby ákelingenin atap ótti. Óz kezeginde fılologııa ǵylymdarynyń doktory, Qazaqstan Jazýshylar odaǵy basqarmasy tóraǵasynyń orynbasary Baýyrjan Jaqyp aqynnyń ómiri men shyǵarmashylyǵyna egjeı-tegjeıli toqtalyp, onyń ulaǵatty ǵumyryndaǵy eńbegi jaıly syr shertti. Al fılologııa ǵylymdarynyń doktory, Іlııas Jansúgirov atyndaǵy Ádebıet jáne óner ınstıtýtynyń ǵylymı qyzmetkeri Nurdáýlet Aqysh aqynnyń shyǵarmashylyq álemi týraly sóz qozǵady.

Aqyn shyǵarmashylyǵyn zertteýdegi sońǵy jetistikteri boıynsha fılologııa ǵylymdarynyń doktory, professor, «Іlııastaný» ǵylymı-praktıkalyq ortalyǵynyń jetekshisi Muratbek Imanǵazınov bólisse, jazýshy, «Qazaq ádebıeti» respýblıkalyq gazetiniń bas redaktory, Túrki beıbitshilik syılyǵynyń ıegeri Dáýren Qýat aqynnyń jýrnalıstik talanty týraly aıtyp berdi.

Igi shara aqynnyń mereıtoıyna arnalǵan respýblıkalyq «Jazba aqyndar» baıqaýynyń jeńimpazdaryn marapattaý rásimimen jalǵasty. Poetıkalyq baıqaýdyń bas júldesin aqyn Baıbota Kóshim-Noǵaı ıelense, birinshi oryndy aqyn Serik Aqsuńqar ıelendi.

Konferentsııadan keıin merekelik sharalar ulttyq at sporty jarystaryna ulasty.





Bizdiń kanalymyzǵa jazylyńyz:

Basty sózder: Almaty oblysy, Ákim, Ádebıet, Aımaq,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT