+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Іle-Alataýy ulttyq parkindegi beton qurylystar alynady

2020 jylǵy 11 tamyz 12:49
Bólisińiz:
Іle-Alataýy ulttyq parkindegi beton qurylystar alynady

ALMATY. QazAqparat - Іle-Alataýy ulttyq parkiniń aýmaǵyndaǵy beton qurylystar alynady. Bul týraly QR Ekologııa, geologııa jáne tabıǵı resýrstar mınıstrliginen málim etti, dep habarlaıdy QazAqparat tilshisi.

Uqsas jańalyqtar

Mınıstrliktiń aqparatyna sáıkes, Qoǵamdyq keńes músheleri Іle-Alataýy ulttyq parkindegi ekotýrızmdi damytý jumystarymen tanysqan.

«Týranga grýpp» kompanııasynyń dırektory Aleksandr Gýjavın búginge deıin atqarylǵan jumystarmen tanystyrdy.

«Avtoturaq jasalyp, sport alańy ornatyldy. Sonymen qatar alǵashqy qoǵamdyq ájethanany qurastyryp kóterý jalǵasýda. Nysandardyń barlyǵynda, sonyń ishinde Vızıt ortalyqta geoburamashegeler paıdalanyldy. Biz nysandardy turǵyzý kezinde beton qoldanbaımyz, qazanshuńqyr qazbaımyz. Kórip turǵanyńyzdaı, myna jerde jyra bar. Kelesi aptada munda qoǵamdyq ájethananyń tazartý júıesin ornalastyrý jumystaryn bastaımyz. Ájethana erlerge arnalǵan – 5, áıelderge – 5 jáne qozǵalysy shekteýli adamdarǵa arnalǵan 2 bólmeden turady», - deıdi A.Gýjavın.

Onyń aıtýynsha, jerdi jaldaǵan burynǵy ıelerden qalǵan beton qurylystyń bárin kompanııa alyp tastaýdy uıǵarǵan. Olardyń ornynda qoǵamdyq kólik aıaldamasy paıda bolady.

Monıtorıngileý barysynda Qoǵamdyq keńes músheleri Aıýsaı vızıt-ortalyǵyn salý kezeńimen tanysyp, jabaıy tabıǵatta ýaqyt ótkizýge múmkindik beretin «Tamyr» mektebine bardy.

Jaqyn arada «Týranga grýpp» komandasy «Tamyr» mektebimen birge jańadan eki soqpaqjol salýdy josparlaýda. Birinshi soqpaqjol «Jas qaıyń» dep atalady. Onymen kishkentaı balasy bar ata-analar men eresekter serýendeıdi. Ekinshi soqpaqjol múmkindigi shekteýli kelýshilerge arnalǵan. Keleshekte jyldam qozǵalatyn múgedekter arbasy da satyp alynýy múmkin.

Eske salsaq, ulttyq park janyndaǵy Qoǵamdyq keńes quramyna 19 adam kiredi. Olardyń arasynda týrıstik uıym ókilderi, ǵalymdar, sportshylar, bıznesmender, ekobelsendiler, qoǵam qaıratkerleri bar.

Joba sheńberinde 155 shaqyrym soqpaqjol salý josparlanýda. 7 vızıt-ortalyq salynady. Onda kelýshiler ulttyq park týraly aqparat ala alady. Etnoaýyl, kempıng, shatyrlar lageri, 10-15 nómirlik glempıng (taýdaǵy turaq) pen bir karavanıng (avtoúılermen saıahattaýshylarǵa arnalǵan jabdyqtalǵan avtoturaq) paıda bolady.


Bizdiń kanalymyzǵa jazylyńyz:

Bólisińiz:

Avtor:

Aqbópe Ábdrasýl

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT