+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Іle Alataýy parkinde sarqyndy sýlardy tazartý júıesi qalaı jumys isteıdi

2020 jylǵy 10 tamyz 23:20
Bólisińiz:
Іle Alataýy parkinde sarqyndy sýlardy tazartý júıesi qalaı jumys isteıdi

ALMATY. QazAqparat – Ulttyq saıabaq janyndaǵy qoǵamdyq keńes Іle Alataýy ulttyq saıabaǵynda ekotýrızmdi turaqty damytý jumystarynyń barysyn tekserdi, dep habarlaıdy QazAqparat tilshisi.

Monıtorıng barysynda Ulttyq saıabaq janyndaǵy qoǵamdyq keńes Aıýsaı vızıt ortalyǵynyń qurastyrylý satylarymen tanysty jáne «Tamyr» tabıǵat aıasynda bolý mektebinde boldy.

« Biz sizderdi sońǵy kezdesýimizden soń atqarylǵan jumystarmen tanystyrǵymyz keledi. Ulttyq saıabaqtardy damytý qorynyń atqarýshy dırektory Sergeı Spıtsynmen avtoturaq, sport alańshasy ornatyldy. Sondaı-aq, alǵash qoǵamdyq ájethana qurastyrylyp jatyr. Barlyq konstrýktsııa, sondaı-aq vızıt ortalyqtyń ózi geoshýrýptarmen júzege asýda. Biz óz jumystarymyzda beton qoldanbaımyz, shuńqyr qazbaımyz. Myna ózderińiz kórip turǵan jyrada kelesi aptada qoǵamdyq ájethanaǵa arnalǵan tazartý júıesin ornalastyrý úshin alańsha daıyndaýdy bastaımyz. Qoǵamdyq ájethanany qyrkúıek aıynyń sońyna deıin aıaqtaýdy kózdep otyrmyz, — dedi «Týranga grýpp» kompanııasynyń dırektory Aleksandr Gýjavın.

Kompanııa bul aýmaqty ózderine deıingi jaldaǵandardan qalǵan buzylǵan beton qurylymdardy alyp tastaýdy josparlap otyr.Olardyń ornynda qoǵamdyq kólik aıaldamasy paıda bolady.

Qoǵamdyq keńes músheleri sarqyndy sýlardy tazartý júıesi jaıly aıtyp berýdi surady.

Ulttyq saıabaqtardy damytý qorynyń atqarýshy dırektory Sergeı Spıtsyn bul júıeniń qalaı jumys jasaıtynyn baıandady.

«Bul protsestiń máni – sarqyndy sýlar tereń bıologııalyq tazartýdan jáne buǵan qosymsha ýltrakúlgin zalalsyzdandyrýdan ótetindiginde. Sertıfıkatsııalanǵan bakterııalar barsha organıkany «jep qoıyp», tunǵan laıdy ǵana qaldyrady. Sý, ony tehnıkalyq qajetke qoldanýǵa jaramdy kúıge deıin, tazaryp qalady. Keleshekte tazartylǵan sýdy ekinshi tsıklde shaıý maqsatynda qoldaný máselesin qarastyryp jatyrmyz»,–dedi Sergeı Spıtsyn.

Buǵan qosa, «Týranga grýpp» komandasy taıaý arada «Tamyr» tabıǵat aıasynda bolý mektebimen birge eki jańa soqpaqty qalyptastyrýdy josparlap otyr. « Jas kaıyń»,– dep atalǵan birinshi soqpaqta ata-analar balalarymen birge, sondaı-aq egde adamdar júre alady. Ekinshi soqpaq, qımyl-qozǵalysy shektelgen jandar úshin arnaıy qurylady.

Almaty ekologııa departamentiniń basshysy Qonysbek Baıdınov ekotýrızmdi damytý jobasyn qoldady.

«Bul ásirese óskeleń urpaq úshin kerek. Balalardy ekologııalyq mádenıetke jastaıynan baýlý, qorshaǵan ortanyń qundylyǵyn uqtyrý kerek», - dedi oli.

Ulttyq saıabaq janyndaǵy qoǵamdyq keńes múshesi Rasýl Rysmambetov jobanyń basty maqsatyna toqtaldy.

«Men qoǵamdyq keńeske, atalǵan júıeniń tıimdiligi qyzyqtyrǵasyn, bul joba keleshekte qandaı somaǵa júzege asyp, qandaı tabys ákelerin bilgim kelgendikten kirdim. Sebebi, Qazaqstanda bir emes, on úsh ulttyq saıabaq bar. Sondyqtan ekobıznestiń jeke joba úlgisinde damýyn baqylaý qyzyqty bolmaq. Onyń ústine, taýǵa jıi kelip turatyn Almaty qalasynyń turǵyny retinde, bul joba qandaı ózgeris ákeletinin kórgim keledi», - dep túıindedi Rasýl Rysmambetov.

Ulttyq saıabaq janyndaǵy qoǵamdyq keńeske quramynda - týrıstik uıymdar ókilderi, ǵalymdar, sportshylar, kásipkerler, ekobelsendiler, qoǵam qaıratkerleri bar. Jalpy quramyna 19 adam engen.

Joba aıasynda 155 shaqyrym jaıaý soqpaq salý men abattandyrý kózdelip otyr. Sondaı-aq, kelýshiler ulttyq saıabaq týraly aqparat alatyn 7 vızıt ortalyq ornatý qarastyrylǵan. Keleshekte etnoaýyl, kempıng, shatyrly lager, 10-15 oryndyq glempıng (taý baspanasy) jáne bir karavanıng (avtoúımen saıahat jasaıtyndarǵa arnap jabdyqtalǵan turaq ) paıda bolmaq.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT