+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Іle-Alataý ulttyq parkinde 30 «Eko-Sergek» kamerasy ornatylady

2020 jylǵy 16 qarasha 11:11
Bólisińiz:
Іle-Alataý ulttyq parkinde 30 «Eko-Sergek» kamerasy ornatylady

NUR-SULTAN. QazAqparat - Almatyda «Іle-Alataý» memlekettik ulttyq tabıǵı parkinde ekotýrızmdi damytý boıynsha qurylǵan Qoǵamdyq keńestiń kóshpeli otyrysy ótti, dep habarlaıdy QazAqparat QR Ekologııa, geologııa jáne tabıǵı resýrstar mınıstrliginiń baspasóz qyzmetine silteme jasap.

Uqsas jańalyqtar
Atyraýda bir kúnde Jaıyq jaǵalaýynan 5 tonna qoqys jınaldy Semeı turǵyndary qoqys polıgonynan shyqqan órt tútinine tunshyǵýda Parıjde avtomobılsiz kún ótti

Shara barysynda Іle-Alataý parki aýmaǵynda qaldyqtardy bólip jınaý alańdary tanystyryldy. Osylaısha, Іle-Alataý qatty turmystyq qaldyqtardy bólek jınaýdyń ınfraqurylymyn tolyqqandy jasaqtaǵan Qazaqstandaǵy alǵashqy ulttyq park bolyp otyr.

Ekologııa, geologııa jáne tabıǵı resýrstar mınıstrliginiń tapsyrmasymen park aýmaǵynda barlyǵy 31 jańa qaldyq alańdary ornatylyp, ÓKM Operatory (óndirýshilerdiń keńestilgen mindettemeleri) 225 konteıner qoıdy. Qurǵaq jáne dymqyl qaldyqty eki bólek salyp áketý úshin Qazaqstanda balamasy joq kólik tehnıkasy qurastyryldy.

«2019 jyly Ulttyq parkke 300 901 adam keldi. Bul kórsetkish aldaǵy ýaqytta artady degen joljam bar. Sondyqtan 2030 jylǵa deıin park aýmaǵyndaǵy qatty turmystyq qaldyqtardy suryptaý deńgeıin 85% - ǵa deıin jetkizýdi josparlap otyrmyz. Qaldyq alańdary Alma – Arasan, Muztaý, Qımasar, Aqqaıyn, Qaskeleń, Aqsaı, Esik, Túrgen jáne t. b. shatqaldarda ornatyldy»,- dedi «Іle-Alataý» MUTP Bas dırektory Damır Malgeldıev.

Ekologııa vıtse-mınıstri Erlan Nysanbaev shara barysynda sonymen birge Іle-Alataý ulttyq parkinde 30 «Eko-Sergek» kamerasy ornatylatynyn habarlady. Bul joba jergilikti ákimdikpen birge júzege asyrylady.

«Biz azamattarymyzdyń tabıǵatta tazalyqty saqtaý mádenıetine qarap, osyndaı sharalar qabyldaýǵa májbúrmiz. Tabıǵat aıasyna demalýǵa kelgender aınalany lastap, ketip jatady. Olar temeki tuqylyn tastaıdy, jaqqan ottaryn óshirmeı, órtke sebepker bolady. Vandalızm faktileri de kezdesedi. Árıne, «Eko-Sergekti» engizýdegi basty maqsatymyz aıyppul salý emes, aǵartý, túsindirý jumystaryn júrgizý.»,- dep atap ótti Erlan Nysanbaev.

Kameralar tek týrısterdi tártipke salyp qana qoımaı, órt shyqqan kezde jedel dabyl qaǵyp, jyldam áreket etýge, brakonerlerdi anyqtaýǵa septespek.

Qoqysty suryptap tastaý alańdary men «Eko-Sergek» tájirıbesin birtindep basqa ulttyq parkterge de engizý josparda bar.

Aıtylǵan usynystar Qoǵamdyq keńes músheleri tarapynan tolyq qoldaý tapty. Túrgen, Alma-Arasan shatqaldarynda bolǵan ekotýrızm ınfraqurylymy, ekologııalyq bilim máselelerin talqylap, usynystaryn bildirdi.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT