+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Iis sezýden qalyp, álsizdik pen tynys alý aýyrlaǵanda úreıge boı aldyrmaý kerek - dáriger keńesi

2020 jylǵy 6 shilde 16:22
Bólisińiz:
Iis sezýden qalyp, álsizdik pen tynys alý aýyrlaǵanda úreıge boı aldyrmaý kerek - dáriger keńesi

NUR-SULTAN. QazAqparat - Iis sezýden qalyp, álsizdik pen tynys alý aýyrlaǵanda úreıge boı aldyrmaý kerek. Bul týraly Astana medıtsına ýnıversıtetiniń kafedra meńerýshisi, medıtsına ǵylymdarynyń kandıdaty Nurıla Maltabarova aıtty, dep habarlaıdy QazAqparat tilshisi.

Uqsas jańalyqtar
Qyzylordada 6,3 mlrd teńgege modýldik aýrýhana salynyp jatyr Koronavırýs kóbine profılaktıkalyq sharanyń saqtalmaýynan taraıdy – dáriger Túrkistan oblysynda 10 naýqas koronavırýstan em qabyldap jatyr

«Túrli sebepter ıis sezýden qalýǵa sebep bolýy múmkin. Tipti adam psıho-emotsınaldy kúıge túsken kezde, ashýlanǵanda ıis sezbeı qalýy múmkin. Sondyqtan ıis ne dám sezýden qalǵan kezde úreıge boı aldyrmańyzdar. PTR-testi qaı jerden tapsyrý qajettigin izdep júgirýdiń, kompıýterlik tomografııadan nemese rentgennen ótýdiń qajeti joq. Sımptomdary damýy úshin baqylaý, kútý qajet. Iis sezýdi joǵaltý sımptomy ǵana munyń koronavırýs ekendigin bildirmeıdi», - dedi ol Ortalyq kommýnıkatsııalar qyzmetindegi brıfıng barysynda.

Sonymen qatar Nurıla Maltabarova tynys alý aýyrlap, jótel paıda bolǵan kezde ne isteý kerektigin aıtyp berdi.

«Koronavırýs sımptomdarynyń biri - bul jótel men tynys alýdyń aýyrlaýy. Eger jótel bar, al tynys alý aýyrlamasa onda bul sizde koronavırýs ınfektsııasy joq degendi bildirmeıdi. Óıtkeni, tynys alýdyń aýyrlaýy - bul aýrý aǵymynyń nasharlap, tereńdeı túskenin bildiredi. Sondyqtan jótel bolǵan kezde belgili bir deńgeıde saqtyq bolýy tıis. Ýchaskelik dárigerge mindetti túrde qaralyp, sımptomdary paıda bolǵanyn aıtý kerek. Ózdiginen emdelýge, tynys alý aýyrlamasa koronavırýs ınfektsııasy joq dep oılaýǵa bolmaıdy»,- dedi medıtsına ǵylymdarynyń kandıdaty.

Bilikti maman álsizdik seziminiń paıda bolýy kóptegen aýrýlarǵa tán ekendigin aıtady.

«Álsizdik seziminiń paıda bolýy tek koronavırýsqa ǵana emes, basqa da kóptegen aýrýǵa tán. Tipti, adam psıho-emotsınaldy kúızeliske túsken kezde de álsizdik, sozylmaly sharshaý sındromy baıqalady. Sondyqtan álsizdik - bul koronavırýs deıdi. Búkil álem indetpen kúresip jatyr. Árıne, biz koronavırýs indetine basymdyq beremiz. Eger álsizdik bolsa, onda oǵan mán berip, dárigerge qaralý qajet. Álsizdikpen qatar basqa da sımptomdar bolýy múmkin. Biraq, álsizdik - bul koronavırýs belgisi deýge jáne úreıge boı aldyrýǵa bolmaıdy. Janama sımptomdarsyz álsizdik paıda bolmaıdy», - dedi ol.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT