+7 (701) 759 90 19
USD 420.29 EUR 506.87
RUB 5.66 CNY 64.73
Jańalyqtar

ІІM elimiz boıynsha azamattardy onlaın qabyldaýdy uıymdastyrdy

2020 jylǵy 26 qarasha 19:00
Bólisińiz:
ІІM elimiz boıynsha azamattardy onlaın qabyldaýdy uıymdastyrdy

NUR-SULTAN. QazAqparat - Іshki ister mınıstri Erlan Turǵymbaevtyń basshylyǵymen barlyq óńirlik bólimderde azamattardy qabyldaý júrgizildi. Bul týraly QazAqparat ІІM silteme jasap habarlaıdy.

Atalǵan is-shara el turǵyndary tap bolǵan máselelerdi sheshýge jáne ishki ister organdarynyń qyzmeti boıynsha turǵyndarǵa ártúrli keńester berýge baǵyttalǵan.

«Azamattardyń qaýipsizdigine, olardyń zańdy quqyqtary men múddelerin qorǵaýǵa baılanysty problemalyq máseleler barlyq deńgeılerde shuǵyl sheshýdi talap etedi. Bul baǵyttaǵy jumystar jalǵasýda. Epıdemıologııalyq jaǵdaıdy eskere otyryp, biz zamanaýı tehnologııalardy paıdalaný arqyly vedomstvonyń barlyq basshylyǵy jáne onyń aýmaqtyq bólimsheleriniń, onyń ishinde aýdandyq polıtsııa bólimderi men QAJ mekemeleri basshylarynyń qatysýymen onlaın rejımde azamattardy qabyldaýdy júrgizýdi bastadyq», - dep atap ótti Erlan Turǵymbaev.

Tirkelýshilerdiń bárin qabyldap úlgerý úshin mınıstrmen birge onyń orynbasarlary jáne ІІM-niń óńirlik qurylymdardyń basshylary da qabyldaý júrgizdi. Jalpy alǵanda, Mınıstrlik basshylyǵy birneshe saǵat ishinde 70-ke jýyq adamdy qabyldady.

Kelip túsken barlyq ótinishterge baılanysty Erlan Turǵymbaev tıisti qyzmet basshylaryna naqty tapsyrmalar berdi. Qosymsha zertteýdi qajet etetin materıaldardy mınıstr jeke baqylaýǵa aldy. Bul materıaldar boıynsha tıisti den qoıý sharalary qabyldanyp, tekserýler júrgiziletin bolady.

«Mınıstrlik «halyqpen keri baılanys» ornatý boıynsha barlyq sharalardy qabyldaýda. Sonymen qatar, qabyldaýǵa jazylǵandardyń sany jergilikti jerlerdegi halyqtyń barlyq problemalary quqyqtyq sheshimin tappaı otyrǵanyn kórsetedi. Memleket basshysynyń Joldaýda aıtylǵan tapsyrmasyn oryndaý aıasynda jáne «Halyq únine qulaq asatyn memleket» tujyrymdamasy iske asyrý barysynda birde-bir ótinish pen aryz nazardan tys qalmaýǵa jáne den qoıylýǵa tıis. Búgin biz turǵyndardan kelip túsken ótinishter men aryzdardy qaraý boıynsha jumysyn saralaımyz, bul baǵytta bizdiń bólimshelerdiń basshylaryna tıisti baǵa beriletin bolady», - dep naqtylady ІІM basshysy.

Azamattardy qabyldaý óńirlerde de ótýde. Oblystyq, qalalyq jáne aýdandyq aýmaqtyq polıtsııa organdary men qylmystyq-atqarý júıesiniń basshylary jáne olardyń orynbasarlaryna 500-den astam adam jazyldy.

Azamattardy osyndaı formatta qabyldaý únemi júrgiziletin bolady


Bizdiń kanalymyzǵa jazylyńyz:

Bólisińiz:

Avtor:

Balnur Qojageldi

Pikir qaldyrý
+7
Jiberý
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT