+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

ІІM basshysy zańsyz dári-dármek satqandardy anyqtaýǵa kómektesken qazaqstandyqtarǵa alǵys aıtty

2020 jylǵy 12 shilde 14:27
Bólisińiz:
ІІM basshysy zańsyz dári-dármek satqandardy anyqtaýǵa kómektesken qazaqstandyqtarǵa alǵys aıtty

NUR-SULTAN. QazAqparat – Іshki ister mınıstri Erlan Turǵymbaev dári-dármektiń zańsyz saýdasyn anyqtaýǵa kómektesken qazaqstandyqtarǵa alǵys aıtty, dep habarlaıdy QazAqparat polisia.kz-ke silteme jasap.

Uqsas jańalyqtar
Koronavırýs ınfektsııasyn emdeý hattamasyna ózgeris engizildi 1 mln naýqasty qamtamasyz etetin dári-dármek satyp alynǵan SK-Farmatsııa COVID-19-dy emdeıtin dári-dármektiń 91 túrin satyp alǵan

«Prezıdenttiń tapsyrmasyna sáıkes barlyq jerde dári-dármekti qymbat baǵamen satý faktilerin anyqtaý maqsatynda reıdter júrgizilýde. Ókinishke qaraı, dári-dármek tapshylyǵyn paıdalanǵan farmatsevt pen dárihana, medıtsına uıymdar qyzmetkerleriniń arasynda da osyndaı zańsyzdyqqa baryp jatý kezdesedi. Olar dári-dármekti halyqqa zańsyz eki-úsh ese qymbatqa satqan. Mine sondyqtan biz áleýmettik jeliler men messendjerlerdi paıdalaný jolymen, deldaldardy osy iske tarttyq», - deıdi Erlan Turǵymbaev.

Mınıstr birneshe mysal keltirdi.

«Elordadaǵy dárihanalardyń birinde satýshy sóredegi dárini kassany aınalyp, syrtta qymbatqa satqan. Tseftrıakson, Azıtromıtsın, Ingavırın, Deksametazon jáne basqa da qajetti preparattardyń 2 300 qaptamasy tárkilendi. Al Almatyda dári-dármekti zańsyz satý isimen tipti Almaty oblysyndaǵy aýdandyq aýrýhanalardyń birindegi jansaqtaý bóliminiń meńgerýshisi aınalysqan. Ustalǵan kezde onyń kóliginen ártúrli preparattardyń 90 flakony tabyldy. Odan satylǵan dári-dármekten túsken 1 mıllıon teńge tárkilendi», - deıdi ol.

Dári-dármektiń zańsyz aınalymy jaǵynan eń birinshi orynda Shymkent tur. Mınıstrdiń habarlaýynsha ol qalada 11,5 myń dári-dármekti zańsyz satpaq bolǵandar ustalǵan. Sonymen birge Almatyda 11,5 myń, elordada 4,4 myń, Atyraý oblysynda 7,7 myń dári-dármek pen medıtsınalyq preparatty zańsyz satpaq bolǵandardyń áreketi áshkerelengen.

«Anyqtalǵan zańbuzýshylyqtar týraly barlyq materıaldardy biz qylmystyq jáne ákimshilik jaýapkershilikke tartý úshin Ekonomıkalyq tergeý qyzmetine jáne Densaýlyq saqtaý mınıstrliginiń ýákiletti organdaryna jiberemiz. Tekserý kezinde alynǵan dári-dármek ári qaraı patsıentterdi emdeýde qoldaný maqsatynda densaýlyq saqtaý salasyndaǵy ýákiletti organdarǵa beriledi. Barlyǵy alty kúndegi reıd barysynda barlyǵynda 206 osyndaı faktiniń joly kesildi. Polıtsııaǵa 185 adam jetkizildi. Olardyń úshten biri (63 adam) medıtsına qyzmetkerleri men densaýlyq saqtaý organdarynyń qyzmetkerleri. 54 myń qaptamadan astam dári-dármek pen preparat, jarty mıllıonǵa jýyq medıtsınalyq maska, 30 myńnan astam túrli jeke qorǵanys quraldary jáne basqa da medıtsınalyq quraldar men dezınfektsııalyq zattar tárkilendi. Osy zańsyzdyqtardy áshkereleýge atsalysqan azamattardyń bárine alǵysymdy aıtamyn», - dep túıdi mınıstr.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT