+7 (701) 759 90 19
USD 410.70 EUR 465.28
RUB 5.80 CNY 58.81
Jańalyqtar

ІІM basshysy blokpostarda jumys istegen qyzmetkerlerge alǵys aıtty

2020 jylǵy 31 mamyr 13:05
Bólisińiz:
ІІM basshysy blokpostarda jumys istegen qyzmetkerlerge alǵys aıtty

NUR-SULTAN. QazAqparat - ІІM basshysy Erlan Turǵymbaev blokpost jumysyna tartylǵan qyzmetkerlerge alǵys aıtty, – dep habarlaıdy Polisia.kz.

Uqsas jańalyqtar
Almatyda júkti áıelderdi aýrýhanaǵa qabyldaý  algorıtmi túsindirildi Birikken Arab Ámirlikteri COVID-19 juqtyrǵandardy anyqtaý úshin ıtterdi paıdalana bastady Qazaqstandyq dıplomattar dárigerlerge qoldaý kórsetedi

«Búkil álem qoǵamǵa jańa qaýip – qatermen-koronavırýs pandemııasymen kúresýde. Bul jumystan Qazaqstanda qalys qalǵan joq. Der kezinde qabyldanǵan sharalardyń, dárigerlerdiń, polıtseılerdiń, áskerılerdiń jáne eriktilerdiń janqııarlyq erliginiń, sondaı-aq halyqtyń jaýapkershiligi men tártibiniń arqasynda bizdiń elimizdegi jaǵdaı qalypty», – dep atap ótti Іshki ister mınıstri Erlan Turǵymbaev qyzmet jáne bólimshe basshylarymen ótkizgen selektorlyq keńesinde.

Mınıstr QR Prezıdenti Qasym-Jomart Toqaevtyń tapsyrmasy boıynsha, ishki ister organdarynyń barlyq kúshteri qoǵamdyq tártip pen turǵyndardyń qaýipsizdigin saqtaýǵa, karantındik is-sharalardy qamtamasyz etýge baǵyttalǵanyn aıtty. 52 000–nan astam qyzmetkerler – polıtseıler, qutqarýshylar, áskerı qyzmetshiler jáne ishki ister organdarynyń medıtsına qyzmetkerleri blokpostarda úzdiksiz qyzmet atqardy, el tynys-tirshiligin qamtamasyz etýdiń mańyzdy obektilerin, medıtsınalyq mekemeler men karantın jarııalanǵan aımaqtardy kúzetti. Qoǵamdyq tártipti saqtaýdy kúsheıtý úshin polıtsııa men Ulttyq ulan jasaqtarynyń sany artty. Kósheler, saıabaqtar, skverler, turǵyn úı alaptary, saýda nysandary barynsha qamtyldy. Ózin-ózi oqshaýlaý jáne shekteý tártibi kezeńinde qabyldanǵan sharalardyń arqasynda eldegi qylmys 26% – ǵa tómendedi. Mundaı erekshe rejımde polıtsııa jáne ІІM-niń basqa da kúshteri alǵash ret jumys istedi.

«Bul ońaı is emes. Táýlik boıy jumys rejımi, birqatar jaǵdaılarda dalada, kazarmalyq jaǵdaıda jumys isteýge týra keldi. Úı men otbasynyń alshaqtyǵy, keıde jekelegen azamattardyń túsinbeýi jáne qarsylasýy úlken psıhologııalyq jáne fızıkalyq kúsh túsirdi. Biraq bizdiń qyzmetkerlerimiz barlyq 78 kún boıy el basshylyǵy qoıǵan mindetterdi naqty oryndaı otyryp, qyzmetterin abyroımen atqardy», – dep atap ótti ІІM basshysy.

Іshki ister jáne densaýlyq saqtaý organdarynyń barlyq qyzmetkerleri táýlik boıy jumys istedi jáne adamdarǵa qıyn ýaqytta kómek kórsetti, olardyń densaýlyǵyn qorǵaýda aldyńǵy shepte turdy. Tek birlesip qarsy turýdyń ǵana arqasynda koronavırýs indetiniń jappaı juqtyrylýyna jáne kóbeıýine jol berilmedi. Qyzmettik mindetterin adal oryndaǵany, blokposta koronavırýstyq ınfektsııamen kúres jónindegi is-sharalarǵa tikeleı qatysqany úshin mınıstrdiń buıryǵymen erekshe kózge túsken qyzmetkerler gramotalarmen jáne alǵys hattarmen marapattaldy.

ІІM-niń qylmystyq–atqarý júıesi de shet qalmady, onyń mekemelerinde qysqa merzimde qorǵaý quraldaryn: táýekel aımaǵynda ornalasqan qyzmetkerlerge arnalǵan maskalar men kombınezondar óndirisi jolǵa qoıyldy. Osylaısha sottalǵandar da pandemııamen kúreske óz úlesin qosty, olarǵa jeke alǵys aıtyldy.

«Eldi mekender arasyndaǵy blokposttar alynyp tastalady. Biraq bul qaýip joq degendi bildirmeıdi. Azamattarǵa sanıtarlyq talaptarmen saqtyq sharalaryn qatań saqtaý kerek», – dep túıindedi Erlan Turǵymbaev.

Eske sala keteıik, karantındik rejım kezinde elde 400-ge jýyq blokpost jumys istedi, oǵan 6 000-ǵa jýyq ІІO qyzmetkerleri qatysty. Barlyq kezeńde blokpostarda 3,2 mln.-nan astam kólik quraldarymen 5 mln. jolaýshy tekserildi.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT