Jańalyqtar  >
  Qylmys
ІІM alaıaqtyq áreketter týraly SMS habarlama taratýdyń sebebin túsindirdi
2022 jylǵy 17 tamyz 00:15

ІІM alaıaqtyq áreketter týraly SMS habarlama taratýdyń sebebin túsindirdi

NUR-SULTAN. QazAqparat – Qazaqstandyqtardyń uıaly telefonyna SMS habarlama jiberilip jatyr. Maqsat – turǵyndardy ınternet alaıaqtyq áreketterden qorǵaý, eskertý. Bul týraly QR ІІM Krımınaldyq polıtsııa departamenti kıberqylmysqa qarsy kúres ortalyǵynyń basshysy Jandos Súıinbaı málimdedi, dep habarlaıdy QazAqparat tilshisi.

«Biz taıaýda halyqty ınternet alaıaqtyq áreketterden qorǵaý maqsatynda SMS habarlama tarata bastadyq. Bul qaýipsizdik jáne qylmystyń aldyn-alý maqsatynda iske asyp jatqan shara. Azamattardyń uıaly telefonyna SMS habarlama qysqa túrde jiberilip jatyr. Osy oraıda turǵyndardan túsinistikpen qaraýdy suraımyz. Sebebi baılanys operatorlary servısindegi shekteýge baılanysty SMS-tiń mátini qysqartylǵan. Keıbir adamdar habarlamanyń mánin túsinbeı jatqan sekildi. Azamattarǵa ınternet alaıaqtyq áreketterge qatysty SMS habarlamany eskertý maqsatynda jiberip jatyrmyz», - dedi Jandos Súıinbaı «Atameken Business» telearnasyna bergen suhbat barysynda.

Onyń aıtýynsha, elimizde bolyp jatqan ınternet alaıaqtyq jáne onymen kúreske qatysty aqparatpen Іshki ister mınıstrliginiń resmı saıty arqyly tanysýǵa bolady.

Eske sala ketsek, osydan bir apta buryn polıtsııa azamattarǵa alaıaqtyq áreketter týraly SMS habarlamalar jibere bastaǵan edi.

Mobıldi baılanys Qazaqstannyń árbir turǵynyna turǵylyqty jáne ornalasqan jerine qaramastan qoljetimdi. ıAǵnı, SMS arqyly alaıaqtyq faktileri týraly aqparat berý azamattardy jedel habardar etýge múmkindik beredi.

Aıta ketsek, Qazaqstanda bıyl 7 aıdyń ishinde 11 myńdaı ınternet-qylmysy tirkelgen.

Sondaı-aq, kıberqylmysqa qarsy kúres ortalyǵynyń basshysy elimizde keń taraǵan ınternet alaıaqtyq áreketter týraly aıtyp berdi.

Uqsas jańalyqtar
Seriktester jańalyqtary

Jańalyqtar

Úrdis

MURAǴAT