+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

ІІ Dúnıejúzilik soǵysta mert bolǵan 7 qazaqstandyqtyń máıiti elge jetkizildi

2021 jylǵy 24 qyrkúıek 11:11
Bólisińiz:
ІІ Dúnıejúzilik soǵysta mert bolǵan 7 qazaqstandyqtyń máıiti elge jetkizildi

NUR-SULTAN. QazAqparat – ІІ Dúnıejúzilik soǵysta habar-osharsyz ketken 7 otandasymyzdyń máıiti tabyldy. Olardyń aty-jónderi anyqtalyp, elge jetkizildi. Bul týraly QR Qorǵanys mınıstriniń orynbasary Tımýr Dandybaev málim etti, dep habarlaıdy QazAqparat tilshisi.

«Jeńistiń 80 jyldyq mereıtoıy qarsańynda ótip otyrǵan búgingi shara soǵys kezinde erlikpen qaza tapqandardyń rýhyna kórsetilgen qurmet. Sol sekildi tarıhty jańǵyrtý men óskeleń urpaqqa ónege bolary sózsiz. Soǵysqa attanǵan árbir soldat tarıhqa enip, jastardy patrıot bolýǵa tárbıleýdiń quraly. Sonymen qatar búgingi konferentsııa eki el arasyndaǵy dostyq qarym-qatynastyń belgisi. Tarıh soǵysy báribizge ortaq, ondaǵy ata-babalardyń erligi de ortaq. Uly otan soǵysy kezinde Qazaqstan aýmaǵynda 12 atý polki, 4 kavalerııalyq dıvızııa, 7 atqyshtar brıgadasy, 50-ge jýyq polk jáne arnaıy brıgada qurylyp, soǵysqa attandy», - dedi Tımýr Dandybaev.

Tımýr Dandybaevtyń dereginshe, soǵysqa elimizden 1,5 mln-nan astam adam attanǵan.

«Olardyń 600 myńy soǵysta mert bolyp, 271 myń otandasymyz habarsyz ketti. Osy oraıda soǵys kezinde iz-tússiz ketken jandardy izdeýshilerdiń eńbegi zor. Olar otandy qorǵaýǵa attanǵandarǵa qatysty qandaı da bir habardy tabý jolynda tór tógip jatyr. Atalǵan iske jastar da belsene qatyssa degen nıet bar, bul jas urpaqty patrıottyqqa baýlıdy. Soǵys kezinde habar-osharsyz ketken otandastyrymyzdy izdeý men olarǵa qatysty derekterdi tabý bizdiń mınıstrlik qyzmetiniń basty baǵyttarynyń biri. Reseıdiń izdeýshiler tobymen birlesken jumystyń nátıjesinde bıyl 7 qazaqstandyq áskerdiń máıiti tabylyp, olardyń aty-jónderi anyqtaldy. Olar elimizge jetkizilip, tıisti deńgeıde qaıta jerlendi», - deıdi ol.

Aıta keteıik, búgin elordada Uly Otan soǵysynyń 80 jyldyǵyna arnalǵan «Álemdi qorǵaǵandardy este saqtaý, aqıqatty jetkizý» atty halyqaralyq konferentsııa ótip jatyr.

Shara «Atamnyn Amanaty» qoǵamdyq birlestgi «Reseıdiń izdeý qozǵalysy» jalpyreseılik qoǵamdyq qozǵalysymen birlesip, Prezıdenttik granttar qorynyń qoldaýymen uıymdastyryldy.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT