+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Ibragım Eskendir qarsylasyn nokaýtqa jiberip, IBA Asia tıtýlyn ıelendi⠀

2019 jylǵy 15 jeltoqsan 02:25
Bólisińiz:
Ibragım Eskendir qarsylasyn nokaýtqa jiberip, IBA Asia tıtýlyn ıelendi⠀

MÁSKEÝ. QazAqparat – Qazaqstandyq kásipqoı boksshylar Ibragım Eskendir (6-0, 6KO) men Ýálıhan «Adaı» Bısenqulov (9-1, 9KO) Reseıdiń Máskeý qalasynda ótip jatqan keshte jeńiske jetti, dep habarlaıdy QazAqparat.

VKontakte áleýmettik jelisindegi «Qazaqstannyń kásipqoı boksy» paraqshasynda málim etilgendeı, jeńilip kórmegen 33 jastaǵy boksshymyzdyń qarsylasy Malavı eliniń tájirıbeli sportshysy, ıaǵnı 47 aıqastyń 28-in óz paıdasyna aıaqtaǵan Mýssa Adjıbý (28-14-5, 24KO) boldy. Birinshi aýyr salmaqtaǵy jekpe-jek on raýndqa esepteldi. Biraq sońǵy dıstantsııasyna deıin ótpedi. I.Eskendir opponentin jetinshi raýndta nokaýtqa jiberdi.

Osylaısha, qazaqstandyq boksshy profı-rıngtegi jetinshi jeńisine (barlyǵyn nokaýtpen) qol jetkizip, IBA Asia nusqasy boıynsha vakantty beldikke ıe boldy. Buǵan deıin I.Eskendir Instagram-paraqshasynda namysty qoldan bermeıtinin jazǵan bolatyn.

Al birinshi aýyr salmaqtaǵy Ýálıhan Bısenqulov (9-1, 9 KO) reseılik Ivan Aratskıımen (0-3) kezdesti. Tórt raýndqa sozylýy tıis bolǵan aıqasty Bısenqulov birinshisinde-aq aıaqtady. «Adaı» laqap atty boksshymyz tehnıkalyq nokaýtpen jeńiske jetti. Onyń aldynda qarsylasyn nokdaýnǵa jiberdi.

Sondaı-aq kesh aıasynda qazaqstandyq burymdy boksshy 19 jastaǵy Laýra Esenkeldi (0-1) kásipqoı-rıngtegi ekinshi aıqasyn ótkizetini kútilýde. Onyń qarsylasy - profıdegi debıýtant reseılik Elena Vystropova.

Bizdiń kanalymyzǵa jazylyńyz:

#Sport   #Boks  
Bólisińiz:

Avtor:

Mıra Tólendiqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT