+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Hrapýnovtar kóptegen zań talaptaryn buzyp, dálelderdi ádeıi joıǵan – Nıý-Iork soty

2020 jylǵy 7 qyrkúıek 09:28
Bólisińiz:
Hrapýnovtar kóptegen zań talaptaryn buzyp, dálelderdi ádeıi joıǵan – Nıý-Iork soty

NUR-SULTAN. QazAqparat - 2020 jylǵy 3 qyrkúıekte Nıý-Iorktiń ońtústik okrýgi boıynsha AQSh Okrýgtik soty Ilıas pen Vıktor Hrapýnovtarǵa qarsy sot óndirisiniń tártibin buzǵany úshin aıyppul salý týraly kezekti qaýly shyǵardy.

Uqsas jańalyqtar
2021 jyldyń 1 shildesinen Ákimshilik ádilet kodeksi qoldanysqa engiziledi Elimizde kúnine 4,5 myń onlaın protsess ótip jatyr - Joǵarǵy sot tóraǵasy Sot protsesterdiń 95 paıyzy qashyqtan ótip jatyr – Jaqyp Asanov

Bul týraly QR Ádilet mınıstrliginiń resmı saıty habarlady.

Sýdıa Ketrın Parker Hrapýnovtar kóptegen zańdy mindettemelerdi buzǵan, dálelderdi ádeıi joıǵan jáne keıbir dálelderdiń óz qoldarynda joqtyǵy týraly jalǵan jaýap bergen degen qorytyndyǵa keldi.

Sondaı-aq sot Hrapýnovtardyń osy is boıynsha keıbir sot qaýlylaryn, sonyń ishinde Ilıas Hrapýnovtyń qupııa aıǵaqtardy ruqsatsyz taratýǵa salynǵan tyıymdy buzǵandyǵyn anyqtady.

Aǵymdaǵy jylǵy 3 qyrkúıektegi sheshim sottardyń Hrapýnovtar men Ábilıazovqa qatysty quqyqqa qaıshy minez-qulqy jáne sot óndirisiniń tártibin buzǵany úshin aıyppuldar taǵaıyndaý týraly ústimizdegi jylǵy mamyr aıynda jáne 2019 jylǵy shilde aıynda shyǵarylǵan qaýlylarynyń jalǵasy bolyp tabylady. Bul qatarynan sanaǵanda besinshi sheshim.

Aıyppuldyń naqty mólsheri Talapkerlerdiń ózderi jumsaǵan sot shyǵyndarynyń somasyn sotqa usynǵannan keıin belgilenedi.

Qazaqstan Respýblıkasy Ádilet mınıstrligi (Almaty q. ákimdiginiń atynan) «BTA Bank» AQ-men (budan ári - Talapkerler) birlesip, tórt jyldan astam ýaqyt buryn Ábilıazovty, Hrapýnovtardy jáne olardyń qylmystyq sybaılastaryn QR-dan urlanǵan aqshany AQSh-ta jylystatty degen aıyppen Nıý-Iorktaǵy «Flatotel» sot qaraýyna bastamashylyq jasaǵan.

Ábilıazov jalǵan nesıeler berý arqyly BTA-dan mıllıardtaǵan dollar urlaǵan. Ol úshin Ábilıazov Qazaqstanda sottalyp, Birikken Koroldik sottarynda kináli dep tanylǵan. AQSh-taǵy sot qaraýlary barysynda Talapkerler Ábilıazovtyń qylmystaryn rastaıtyn qosymsha eleýli dálelderdi jınady, sondaı-aq osy qylmystardyń jasalýyn óz kózimen kórgen kóptegen kýálardyń jaýaptaryn qamtamasyz etti.

QR Úkimetiniń Konsýltanty – «Boies Schiller Flexner LLP» Seriktesi Mettıý Shvarts: «Talapkerler usynylyp jatqan dálelderge sottyń muqııat qaraýyn joǵary baǵalaıdy. Ábilıazov, Hrapýnovtar jáne olardyń sybaılastary sot protsesinde adal nıetpen qatysýdan birneshe ret bas tartyp, kóptegen sot qaýlylarynyń talaptaryn buzǵan. Dálelderdiń bir bóligin qasaqana joıǵandyqtaryna qaramastan, olardyń jasalǵan qylmystarǵa qatystylyǵyn rastaıtyn qujattar jetkilikti. Talapkerler sol dálelderdi Nıý-Iork alqabıler sotynyń nazaryna usyný múmkindigin asyǵa kútýde», dep málimdedi.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Úmbet Sholpan
Úmbet Sholpan
954-059

MURAǴAT