«Hovar» Tájikstan agenttigi QazAqparatty ǵasyrlyq mereıtoıymen quttyqtady

DÝShANBE. QazAqparat – «Hovar» Tájikstan ulttyq aqparat agenttiginiń basshysy Saıdalı Sıddıka «QazAqparat» Halyqaralyq aqparat agenttiginiń ujymy men basshylyǵyn 100 jyldyq mereıtoımen quttyqtady.

«Hovar» Tájikstan ulttyq aqparat agenttiginiń jáne ózimniń atymnan Sizdi jáne «QazAqparat» Halyqaralyq aqparat agenttiginiń búkil ujymyn aımaqtaǵy eń iri jańalyqtar agenttikteriniń biri retinde qurylǵanyna 100 jyl tolýymen shyn júrekten quttyqtaımyn!

«QazAqparat HAA – Tájikstanmen dostyq qatynastaǵy Qazaqstannyń ótkeni men búgingi kúniniń tikeleı kýágeri ári qajymas hronology ǵana emes, Sizderdiń elińizdiń táýelsizdik jyldaryndaǵy jetistikteriniń belsendi qatysýshysy, eki uly tulǵa – Ult kóshbasshysy Emomalı Rahmon men Elbasy Nursultan Nazarbaev negizin qalaǵan Tájikstan men Qazaqstan arasyndaǵy baýyrlas qatynastardyń aınasy bolyp sanalady.

Sizderdi bul aıtýly kúnmen taǵy quttyqtap, Sizge jáne ujymyńyzǵa jańa shyǵarmashylyq tabystar, densaýlyq jáne baqyt tileımin!», - delingen quttyqtaýda.