Jańalyqtar  >
  Sport
Hokkeıden Prezıdent kýbogynda «Barys» alǵashqy jeńisine qol jetkizdi
2022 jylǵy 17 tamyz 21:42

Hokkeıden Prezıdent kýbogynda «Barys» alǵashqy jeńisine qol jetkizdi

NUR-SULTAN. QazAqparat - Shaıbaly hokkeıden Qazaqstan Prezıdenti kýbogynyń ekinshi oıyn kúni aıaqtaldy, dep habarlaıdy QazAqparat tilshisi.

Qazaqstandyq «Barys» bul joly «Neftehımık» (Nıjnekamsk) komandasymen kezdesti.

Oıyn barysynda elordalyq klýb sapynan Mıhaıl Rahmanov - 26, Lınden Veı - 49, Dinmaqhamed Qaıyrjan 51-mınýttarda mergendik tanytty.

Osylaısha «Barys» qarsylasyn 3:0 esebimen súrindirdi.

Búgin taǵy bir kezdesýde Reseıdiń «Metallýrg» (Magnıtogorsk) komandasy «Avtomobılıst» (Ekaterınbýrg) klýbyn 2:1 esebimen tize búktirdi.

Eske salsaq, 16 tamyzda «Metallýrg» «Neftehımık» komandasynan 4:1 esebimen basym tústi.

Al «Barys» overtaımda «Avtomobılıstke» 3:4 esebimen ese jiberdi.

Endi 19 tamyzda «Barys» pen «Metallýrg», «Avtomobılıst» pen «Neftehımık» komandalary kezdesedi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT