Hokkeıden álem chempıonaty: Qazaqstannyń jasóspirim qyzdary Estonııany oısyrata jeńdi
ASTANA. QazAqparat - Shaıbaly hokkeıden 18 jasqa deıingi sportshylar arasyndaǵy álem chempıonatynda qazaqstandyq jasóspirim qyzdar tórtinshi márte jeńiske jetti, dep habarlaıdy QazAqparat tilshisi.
Estonııamen ótken oıynnyń birinshi kezeńinde qazaqstandyq qurama sapynan Aleksandr Jıvotovskaıa - 7, Madıanna Núsipova - 11, Medına Kıshekeeva 15-mınýttarda mergendik tanytty.
Ekinshi kezeńde Sofııa Zýbkova - 21, 29, Anastasııa Fılımonova - 25, Alına Jakýlına 38-mınýtta gol soqty.
Úshinshi kezeńde Aleksandr Jıvotovskaıa 59-mınýtta taǵy bir márte qarsylas qurama qaqpasynan sańylaý tapty.
Osylaısha qazaqstandyq hokkeıshiler qarsylasynan 8:0 esebimen basym túsip, qatarynan tórtinshi márte jeńiske jetti.
Aıta ketsek, el quramasy ekinshi dıvızıonynda V tobynda synǵa túsedi. Qarsylastary - Bolgarııa, Jańa Zelandııa, Belgııa, Estonııa, Islandııa.
Buǵan deıin QR hokkeıshileri Bolgarııany - 8:1, Jańa Zelandııany - 7:1, Belgııany 5:3 esebimen jeńgen edi.
Qazir týrnır kestesinde el quramasy 12 upaımen jeke-dara kósh bastap tur.
Qazaqstannyń hokkeıshi qyzdary endi 2 aqpanda Islandııamen kezdesedi.
Foto: dm0qx8t0i9gc9.cloudfront.net
