Hokkeı: Qazaqstan jasóspirim qyzdar quramasy Bolgarııany iri eseppen jeńdi
ASTANA. QazAqparat - Shaıbaly hokkeıden jasóspirim qyzdar arasyndaǵy álem chempıonatyndaǵy alǵashqy oıynda Qazaqstan quramasy Bolgarııadan iri eseppen basym tústi, dep habarlaıdy QazAqparat tilshisi.
El quramasy ekinshi dıvızıonynda V tobynda synǵa túsedi. Qarsylastary - Bolgarııa, Jańa Zelandııa, Belgııa, Estonııa, Islandııa.
Alǵashqy kezeńde qazaqstandyq hokkeıshiler qarsylas qurama qaqpasyna bes shaıba soqty. Ekinshi kezeńde bolgarııalyq hokkeıshiler bir shaıba soqsa, oǵan qazaqstandyqtar taǵy úsh shaıbamen jaýap berdi.
Nátıjesinde el quramasy qarsylasynan 8:1 esebimen basym tústi. Qazaqstandyq sportshylar qatarynan Anastasııa Fılımonova úzdik oıynshy atandy.
Qazaqstan - Bolgarııa 8:1 (5:0, 2:1, 1:0)
1:0 - 01:43 - Fılımonova (Voıtsıtskaıa, Rakovskaıa)
2:0 - 02:14 - Zýbkova (Hohlova, Núsipova)
3:0 - 05:14 - Núsipova (Zýbkova)
4:0 - 11:30 - Jıvotınskaıa (Pıven, Hohlova)
5:0 - 15:11 - Hohlova (Voıtsıtskaıa)
5:1 - 23:26 - Rýnevska
6:1 - 31:40 - Meskını (Zýbkova, Kıshekeeva)
7:1 - 38:13 - Núsipova (Zýbkova)
8:1 - 53:56 - Toqqoja (Pıven)
Qaqpashylar: Ageeva - Nedıalkova
Qazaqstandyq hokkeıshiler endi búgin, 28 qańtarda saǵat 20:30-da ekinshi oıynyn Jańa Zelandııaǵa qarsy ótkizedi. Aıta ketsek, 26 qańtarda ótkizýi josparlanǵan oıyn keıinge shegirilgen edi.
El quramasy 29 qańtarda Belgııa, 31 qańtarda Estonııa, 2 aqpanda Islandııamen kezdesedi.
Eske salsaq, budan buryn Qysqy Ýnıversıadada hokkeıden Qazaqstan stýdentter quramasy qola júldeger atandy.
