Hokkeı: «Barystyń» búgingi oıynyn qaıdan kórýge bolady

NUR-SULTAN. QazAqparat - Qurlyqtyq hokkeı lıgasy aıasynda elordalyq «Barys» búgin óz alańynda «Amýr» (Habarovsk) komandasymen kezdesedi, dep habarlaıdy QazAqparat tilshisi.

Oıyn astana ýaqytymen saǵat 17.00-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin bıylǵy týrnırde úsh márte kezdesti. 2020 jyldyń 26 jeltoqsanynda elordada ótkende oıynda «Barys» 5:2 esebimen basym tústi. Odan keıin Habarovskide 2021 jyldyń 4 qańtarynda bolǵan oıynda elordalyq klýb býllıtte 5:4 esebimen tize búktirse, 6 qańtardaǵy taǵy bir kezdesýde reseılik klýb 5:1 esebimen jeńdi.

Aıta keteıik, «Barys» sońǵy 10 kezdesýdiń 6-ýynda basymdyq tanytty. Týrnır kestesinde 43 oıynnan keıin 49 upaımen 16-orynda keledi.

Al «Amýr» sońǵy 10 oıynda nebári 6 ret jeńildi. Týrnır kestesinde 48 oıynnan keıin 38 upaı jınap, 19-orynda tur.

Esterińizge sala ketelik, 14 qańtarda «Barys» «Salavat ıÝlaevqa» ese jibergen bolatyn.