+7 (701) 759 90 19
USD 433.55 EUR 515.53
RUB 5.62 CNY 66.25
Jańalyqtar

Hokkeı: «Barys» overtaımda «Metallýrgtan» basym tústi

2021 jylǵy 4 naýryz 22:53
Bólisińiz:
Hokkeı: «Barys» overtaımda «Metallýrgtan» basym tústi

NUR-SULTAN. QazAqparat - Qurlyqtyq hokkeı lıgasynyń pleı-off satysynda elordalyq «Barys» búgin, 4 naýryzda Reseıde «Metallýrg» (Magnıtogorsk) komandasymen ekinshi oıynyn ótkizdi, dep habarlaıdy QazAqparat tilshisi.

Esterińizge sala ketelik, pleı-off satysynyń alǵashqy oıynynda reseılik klýb 7:3 esebime n basym tústi.

Búgingi kezdesýde qos komanda shabýylmen birge qorǵanysqa da kóńil bóldi. Nátıjesinde alǵashqy eki kezeńde komandalar bir-biriniń qaqpasyna nebári eki shaıba soqty.

Oıynnyń 11-mınýtynda «Barys» hokkeıshisi Kırıll Panıýkov óz komandasyn alǵa shyǵardy. Al 28-mınýtta «Metallýrg» sapynan Andreı Nestrashıl tarazy basyn teńestirdi.

Negizgi kezeń 1:1 esebimen teń aıaqtalyp, oıyn overtaımǵa ulasty. Overtaımda jeńis shaıbasyn Darren Dıts soǵyp, qazaqstandyq klýbqa jeńis syılady. «Barys» qarsylasyn 2:1 esebimen jeńiske jetti. Oıyndar serııasynda esep 1:1 esebimen teńesti.

Endi 6 jáne 8 naýryz kúnderi oıyndar elordada bolady. Qajet bolǵan jaǵdaıda qosymsha oıyndar 10, 12, 14 naýryz kúnderi ótkiziledi.

Eki komanda buǵan deıin pleı-off satysynda eki márte jolyqty. Onyń ekeýinde «Metallýrgtiń» joly bolsa, bireýinde «Barys» atalǵan qarsylasyn qapy qaldyryp ketti.

Aıta keterligi, «Barys» qurlyq hokkeı lıgasyna bıyl 13 márte qatysty. Sonyń on birinde pleı-off satysynda baq synady. 2014, 2017, 2019, 2020 jyldarda jarystyń ekinshi kezeńine shyqty.



Bizdiń kanalymyzǵa jazylyńyz:

#Sport  
Bólisińiz:

Avtor:

Ádiljan Úmbet

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT