+7 (701) 759 90 19
USD 387.37 EUR 428.55
RUB 6.06 CNY 55.06
Jańalyqtar

HQO-da memlekettik qyzmetter ym-ıshara tilinde kórsetiledi

2019 jylǵy 23 qyrkúıek 12:11
Bólisińiz:
HQO-da memlekettik qyzmetter ym-ıshara tilinde kórsetiledi

NUR-SULTAN. QazAqparat - «Azamattarǵa arnalǵan úkimet» memlekettik korporatsııasy HQO-ǵa júginetin estý qabileti nashar azamattarǵa memlekettik qyzmetterdi ym-ıshara tilinde kórsetedi, dep habarlaıdy QazAqparat.

23 qyrkúıekte halyqaralyq ym –ıshara tilderiniń kúni atap ótiledi. Arnaıy datany 2017 jyly BUU belgilegen.

Kún saıyn elimizdegi 348 front-ofıske myńdaǵan qazaqstandyq memlekettik qyzmet alýǵa keledi. Olardyń suranysyn ótep, sapaly qyzmet kórsetý – HQO qyzmetkerleriniń mindeti. Qyzmet alýshylardyń arasynda erekshe qajettiligi bar tulǵalar da bar. Estý qabileti nashar adamdar úshin front-ofısterde ym-ıshara tilin meńgergen mamandar qyzmet kórsetedi.

«Ár kúnin «tynyshtyqta» ótkizetin azamat HQO sııaqty mekemege kelip, ózin túsine alatyn qyzmetkermen ymmen tildesip, kerek qyzmetin ala alady. Biz qashanda erekshe qajettiligi bar tulǵalarǵa bar jaǵdaıdy jasaýǵa tyrysamyz. Arbamen júretinder úshin pandýstar, zaǵıptar úshin Braıl álipbıindegi jazýlary bar taqtaıshalar qoıylǵan, nashar estıtinderge sýrdoaýdarma tilin meńgergender qyzmet kórsetedi», – deıdi basqarma tóraıymy Ásemgúl Baltasheva.

Elimiz boıynsha halyqqa qyzmet kórsetý ortalyqtarynyń bólimderinde eńbek etetin 1 300-den astam qyzmetker bıyl ym-ıshara tilin meńgerý kýrstarynan ótken. Olardyń 1 100-den astamy arnaıy sertıfıkat alǵan.

Memlekettik korporatsııanyń Qostanaı oblystyq fılıalynda qyzmet etetin Aıjan Maqatovanyń aıtýynsha, ym-ıshara tilin úırený usynylǵanda, ol birden kelisimin bergen. Adamdarǵa kómektesý – basty paryzym, dep bilgen ol kýrstardan ótý arqyly qyzmet alýǵa keletin erekshe tulǵalarǵa paıdasyn tıgize alatynyn aıtady.

«Az ýaqyt ishinde biz ym-ıshara tilindegi amandasý, qoshtasý, áripter, sandar sııaqty negizgi sózderi men termınderin meńgerdik. Qyzmet alýshylarǵa qandaı anyqtama, qujat qajet dep suraı alamyz, meıli ol jeke kýálik ne pasport bolsyn», – deıdi Aıjan.
Aıta keteıik, memlekettik korporatsııada I, II, III top múgedektigi bar 745 jumysker eńbek etedi. Jumyspen qamtý strategııalyq josparyna sáıkes, múgedektigi bar qyzmetkerlerdiń jalpy shtat kólemindegi úlesi 4 % kem bolmaýy tıis. III top múgedektigi bar azamattar memlekettik korporatsııaǵa esh konkýrstyq irikteýsiz jumysqa ornalasa alady.



Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT