+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Harkov qalasynda uly Abaıǵa eskertkish ornatylady

2021 jylǵy 24 mamyr 16:45
Bólisińiz:
Harkov qalasynda uly Abaıǵa eskertkish ornatylady

HARЬKOV. QazAqparat - Qazaqstan Respýblıkasynyń Ýkraınadaǵy Tótenshe jáne Ókiletti Elshisi Darhan Káletaev Harkov qalalyq keńesiniń hatshysy Igor Terehovpen kezdesý ótkizdi, dep habarlaıdy QazAqparat.

Uqsas jańalyqtar

Іssapar barysynda qalanyń ortalyq alańdarynyń birine uly Abaıdyń eskertkishi ornatylatyny týraly ýaǵdalastyqqa qol jetkizildi.

Kezdesýde músinshi Seıfaddın Kýrbanov eskertkishtiń jobasymen tanystyrdy.

Bul joba eskertkish-trıptıh túrinde jasalǵan. Músinshi bul eńbegin «Ómir aǵashy» dep atady.

Eskertkishtiń orta tusynda hakim Abaı beınelengen.

Uly aqynnyń qos qaptalynda Ýkraınanyń halyq aqyny Grıgorıı Skovoroda men Ázirbaıjannyń aǵartýshy, fılosofy Myrza Fatalı Ahýndovtyń keskinderi ádiptelgen.

Eskertkishtiń jalpy bıiktigi – 4 metr. Gúlzardyń aýmaǵy – 2 543 sharshy metr.

Ol Harkovtegi halyq eń kóp júretin, demalys aımaǵyndaǵy kórneki jerde ornalasqan.

Tóńiregi sýburqaqtarmen qorshalyp, jasyl jelektermen kómkerilgen.

Darhan Amanuly óz kezeginde qala basshylyǵynyń ıgi bastamasyna rızashylyǵyn bildirip, eskertkish-trıptıhtiń baýyrlas, týysqan halyqtar arasyndaǵy rýhanı baılanysty odan ári tereńdetip, olardyń mádenıeti men ónerin keńinen tanýǵa, ıgerýge jáne ózara yntymaqtastyqty arttyrýǵa zor septigin tıgizetinin tilge tıek etti.

«Bul eskertkishti bizdiń ýkraın baýyrlarymyzdyń qazaq halqyna, qazaq tarıhy men rýhanııatyna kórsetilgen sheksiz qurmeti retinde qabyl alamyz», - dedi elshi.

Osy oraıda, sońǵy ýaqytta Qazaqstan men Ýkraına arasyndaǵy ekonomıkalyq, mádenı baılanystardyń jańa sapaǵa kóterilip, erekshe qarqyn alǵanyn atap ótken jón.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT