«Halyqtyń súıiktisi» ataný jaýapkershilik artady- Seráli Joldaspaev

KÓKShETAÝ. QazAqparat - «Halyqtyń súıiktisi» ulttyq syılyǵynyń qorytyndysy boıynsha aqmolalyq Seráli Joldaspaev eń úzdik sanıtarlyq-epıdemıologııalyq qyzmetshi atandy, dep habarlaıdy QazAqparat tilshisi oblystyq ishki saıasat basqarmasyna silteme jasap.

Uıymdastyrýshylar – «Respýblıka – Óńir – Damý» qoǵamdyq qory ókilderiniń aıtýynsha, dástúrli 10 atalymnan bólek, pandemııamen kúresýde medıtsına qyzmetkerleri men volonterlerdiń qosqan úlesi eskerilip, sanıtarlyq-epıdemıologııalyq qyzmet jáne medıtsına qyzmetkerlerin marapattaý týraly sheshim qabyldandy.

Ashyq daýys berý qorytyndysy boıynsha Aqmola oblysynyń Býrabaı aýdandyq bas sanıtarlyq dárigeri Seráli Joldaspaev «Sanıtarlyq-epıdemıologııalyq qyzmettiń eń úzdik jumysshy» atalymy boıynsha jeńimpaz atandy.

Seráli Esilámulynyń aıtýynsha, osyndan birneshe aı buryn áriptesteri onyń osy baıqaýǵa qatysýyna bir aýyzdan qoldaý bildirgen.

«Baıqaýǵa aldymen minezdememdi pandemııa kezinde jumys esebimdi jiberdim. Keıin maǵan ondaǵylar habarlasyp, birinshi kezeńnen ótkenimdi aıtty. Odan ári baıqaý qalaı ótip jatqandyǵy týraly habarsyz boldym. Alaıda onlaın daýys berýde baǵym janyp, kóp daýys aldym. Jeńimpaz bolǵanymdy keshe estidim. Baıqaý laýreaty ataný árıne úlken qýanysh», - deıdi jeńimpaz.

Seráli Esilámul óziniń eńbek jolyn Chelıabi oblysynyń Varnen aýdanyndaǵy Epıdemıolog – sanıtarlyq dáriger retinde bastaǵan. Keıin jas dáriger sol kezdegi ýche aýdandyq sanıtarlyq epıdemıologııalyq stansasyna aýysty. Biraz jyldar boıy Zerendi jáne ýche aýdanynda basshylyq qyzmetterde istedi. Artynsha taratylyp, qaıta qurylǵan Býrabaı aýdandyq taýarlar jáne kórsetiletin qyzmetterdiń sapasy men qaýipsizdigin baqylaý basqarmasynyń jumysqa qabyldanyp, sodan beri basshy qyzmetin atqaryp keledi.

Onyń «Halyqtyń súıiktisi» ulttyq syılyǵynda jeńiske jetýine jaz aılarynda koronavırýs ınfektsııasynyń órship turǵan kezinde Býrabaı aýdanynda derttiń taralýyn tejeı bilýi áreketi áserin tıgizgen.