+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Halyqtyń áleýmettik osal tobyn memlekettik qoldaýda júıelilik jetispeıdi - kommýnıster

2020 jylǵy 28 qazan 15:56
Bólisińiz:
Halyqtyń áleýmettik osal tobyn memlekettik qoldaýda júıelilik jetispeıdi - kommýnıster

KÓKShETAÝ. QazAqparat – Halyqtyń áleýmettik jaǵynan osal toptaryna memlekettik qoldaýda júıelilik jetispeıdi. Bul týraly Kókshetaýda «Halyqtyń áleýmettik osal toptaryna memlekettik qoldaýdyń jetkiliksizdigi» taqyrybynda ótken dóńgelek ústel barysynda aıtyldy, dep habarlaıdy QazAqparat tilshisi.

Uqsas jańalyqtar

Qazaqstannyń kommýnıstik halyq partııasynyń (QKHP) Aqmola oblystyq fılıaly uıymdastyrǵan sharaǵa qalalyq jumyspen qamtýdy jáne áleýmettik baǵdarlamalardy úılestirý bólimi, eńbekpen qamtý ortalyǵy, úkimettik emes uıymdardyń ókilderi, qala turǵyndary men partııa belsendileri qatysty.

Jıynda Qazaqstannyń kommýnıstik halyq partııasy (QKHP) Aqmola oblystyq fılıalynyń tóraǵasy Oljas Turǵynov áleýmettiń áljýaz toptaryna kórsetiletin memlekettik kómek áli de kóbeıip, eń birinshi baspana máselesi sheshilýi kerektigin atap ótti.

«Baspana - eń birinshi másele. Búgingi tańda áleýmettiń áljýaz toptaryna páter alý óte qıyn, tipti múmkin emes. Olar azyq-túlikti ázer taýyp otyr. Al baspanaǵa qarjyny qaıdan jınaıdy?! Jetim balalardyń da jaǵdaıy osyndaı. Sondyqtan birinshi kezekte páter alý qoljetimdi bolýy tıis», - dep atap ótti partııanyń oblystyq fılıalynyń tóraǵasy Oljas Turǵynov.

Sonymen qatar, jıynda Kókshetaý qalalyq jumyspen qamtýdy jáne áleýmettik baǵdarlamalardy úılestirý bóliminiń mamany Erbolat Bilálov, Aqmola oblysy boıynsha isker áıelder qaýymdastyǵynyń tóraıymy Dámeli Qoıshına, «Azamattyq Alıans» zańdy tulǵalar birlestiginiń tóraıymy Irına Terenteva sóz alyp, halyqtyń áleýmettik jaǵynan osal toptaryna memlekettik qoldaýdaǵy túıtkildi máselelerdi ortaǵa saldy jáne ony sheshý jolynda qolǵa alynǵan memlekettik baǵdarlamalardyń múmkindikterin túsindirip berdi.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT