+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Halyqtyń ál-aýqaty ekonomıka kórsetkishi bolýy tıis - Dáýren Abaev

2019 jylǵy 17 mamyr 18:53
Bólisińiz:
Halyqtyń ál-aýqaty ekonomıka kórsetkishi bolýy tıis - Dáýren Abaev

NUR-SULTAN. QazAqparat - Qazaqstan óz azamattarynyń ál-aýqatyn kóterýge nıetti. Onyń ishinde qatardaǵy ortasha statıstıkalyq qazaqstandyqqa basa mán beriledi, dep habarlaıdy QazAqparat tilshisi.

Bul týraly QR Aqparat jáne qoǵamdyq damý mınıstri Dáýren Abaev AEF-2019 aıasyndaǵy «Azamattyq qoǵamdy ál-aýqat saıasatyna tartý» paneldik sessııasynda aıtty.

«Elbasy Nursultan Nazarbaev ekonomıka damýynyń halyqtyń ál-aýqatymen tikeleı baılanysýyn únemi aıtyp júredi. Sarapshylar da memleket tıimdiliginiń JІÓ kólemimen, altyn qorymen nemese ekonomıkalyq ósim kórsetkishimen baǵalanatyn zamannyń ótkenin aıtýda. Búginde memlekettiń ekonomıkalyq tabysty barlyq halyq tobyna qalaı bóletini mańyzdy. Táýelsizdiktiń 28 jylynda JІÓ-niń óskenin kórdik. Biraq, dál osy 28 jylda Qazaqstan halqy baqyttyraq bola aldy ma? Bul taqyrypty talqylaý qajet dep esepteımin», - dedi mınıstr.null

Onyń aıtýynsha, HH ǵasyrda kóptegen memleket kedeılikten qutylýdy maqsat etip qoısa, qazirgi ýaqytta baqyt pen baqýattylyqty túsinikteri aldyńǵy qatarǵa shyǵyp otyr. Biraq, bul reıtıngti júrgizýde birizdilik joq.

«Búkilálemdik baqyt esebin jasaýshylar jan basyna shaqqandaǵy JІÓ, áleýmettik qoldaý, ómir súrý uzaqtyǵy syndy aıasy tar krıterıılerdi negizge alady. Nátıjesinde Fınlıandııa, Danııa, Norvegııa jáne Islanııa elderi birinshi orynda turady. Alaıda, ómirge qanaǵattaný týraly biregeı ındeks jasap shyǵarǵan Jańa ekonomıka qorynyń tájirıbesi qyzyǵýshylyq týdyrdy. 2012 jyly bul reıtıngte Kosta-Rıka, Vetnam, Kolýmbııa elderi ozyp shyqty», - dedi mınıstr.

2011 jyldan bastap, Ekonomıkalyq yntymaqtastyq jáne damý uıymy (EYDU) jaıly ómir ındeksin anyqtaý úshin keshendi zertteý júrgizip keledi. Indeks aýqattylyq parametrlerin 2 topqa bóledi.

Alǵashqy top turǵyn úı jaǵdaıy, tabys kólemi syndy materıaldyq krıterıılerdi qamtysa, ekinshi topta - bilim, ekologııa, azamattyq quqyqtar, densaýlyq, qaýipsizdik, ómirge qanaǵat, jumys pen jeke ómir teńgerimi qarastyrylady.

«2018 jyly reıtıng 149 eldi qamtydy jáne Qazaqstan 2019 jyly 60-orynǵa kóterildi. Qazaqstan óz aldyna qoljetimdi maqsat qoıyp otyr - azamattardyń ál-aýqatyn EYDU elderiniń deńgeıine kóterý. Onyń ishinde ortasha statıstıkadaǵy qazaqstandyqtyń ál-aýqatyn arttyrýǵa basa mán beriledi. Bul mindetti oryndaý úshin bılik, bıznes jáne azamattyq qoǵam ózara árekettestikte bolýy tıis», - dep óz sózin túıindedi Dáýren Abaev.

Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT