Halyqqa qyzmet kórsetý ortalyqtarynda jalaqy 50% ósedi
2022 jylǵy 22 maýsym 12:09

Halyqqa qyzmet kórsetý ortalyqtarynda jalaqy 50% ósedi

NUR-SULTAN. QazAqparat – QR Tsıfrlyq damý, ınnovatsııalar jəne aeroǵarysh ónerkəsibi mınıstri Baǵdat Mýsın «Azamattarǵa arnalǵan úkimet» memlekettik korporatsııasyndaǵy qyzmetkerlerdiń jalaqysy ósetinin aıtty, dep habarlaıdy QazAqparat tilshisi.

«Shyn máninde, biz bıyl olardyń jalaqysyn 50 paıyzǵa kóteremiz. Ekinshiden, qyzmetkerlerdi yntalandyrýdyń tıisti júıesi bar. Máselen, call-ortalyqtyń bir qyzmetkeri 100 ótinim, al ekinshisi 10 ótinim boıynsha qyzmet kórsetýi múmkin. Osy oraıda kúnine 100 ótinimdi qabyldaǵan adam basqalaryna qaraǵanda 50 paıyz nemese 100 paıyz joǵary jalaqy alady», - dedi B. Mýsın Májiliste tilshiler suraǵyna jaýap bere otyryp.

Osy oraıda ol Halyqqa qyzmet kórsetý ortalyǵynyń qyzmetkerleri arasynda qarastyrylǵan ótinimder sany boıynsha yntalandyrý júıesi bar ekenin naqtylady.

«Jumysyn jyldam ári jaqsy atqaratyndar men qujattardy baıaý rásimdeıtinderdiń eńbekaqysyn teńestirgimiz kelmeıdi. Halyqqa qyzmet kórsetý ortalyqtarynyń negizgi mindeti – ótinimderdi jyldam ári sapaly qarastyryp, memlekettik qyzmetterdi kórsetý. Yntalandyrýdyń tıisti júıesi bar jáne ol boıynsha jyl sońynda syılyqaqy qarastyrylǵan», - dedi vedomstvo basshysy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT