Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 386.05 EUR 428.25
RUB 5.84 CNY 54.65
Jańalyqtar

Halyqqa qyzmet kórsetý ortalyqtarynda kezek nege kóp

2019 jylǵy 16 shilde 12:53 203
Bólisińiz:
Halyqqa qyzmet kórsetý ortalyqtarynda kezek nege kóp

Nur-Sultan. QazAqparat – «Azamattarǵa arnalǵan úkimet» memlekettik korporatsııa basqarmasynyń tóraıymy Ásemgúl Baltasheva jaz aılarynda halyqqa qyzmet kórsetý ortalyqtarynda kezek nege kóbeıtinin aıtty, dep habarlaıdy QazAqparat.

Ásemgúl Baltasheva óziniń Facebook paraqshasynda «Azamattarǵa arnalǵan úkimet» korporatsııasynyń qyzmetinde qatysty biraz dúnıe qordalanǵanyn rastaıdy.

«Bizdiń korporatsııamyz arqyly azamattar úshin 600-den astam qyzmet túri kórsetiledi. Front-ofısterdegi qyzmet kórsetý sapasyna qatysty halyqtyń aryz-shaǵymdaryn biz únemi eskerýge tyrysamyz, muny sizder áleýmettik jelilerdegi resmı akkaýnttardaǵy keri baılanys arqyly baıqaǵan da bolarsyz. Degenmen sońǵy kezde halyqty mazalap júrgen birneshe jaıtqa toqtalyp ótsem», - deıdi ol.

Korporatsııa basshysynyń aıtýynsha, jazda halyqqa qyzmet kórsetý ortalyqtaryna baratyn turǵyndar sany eki ese ósedi. Bul eń aldymen demalýshylardyń saparǵa shyǵýǵa qajet qujattaryn jasatýymen baılanysty. Al eńbek demalysyna shyqqan azamattar bos ýaqytynda baspana qujattaryn jasatyp, turaqty tirkeýge turyp, kólikterin satyp, jańasyn alyp jatady.

«Mamandandyrylǵan HQO qyzmetine qatysty QR ІІM-niń engizgen jańashyldyqtary 1 shildeden bastap kólik ıelerin ábigerge túsirip, qyzmetterdiń der kezinde kórsetilýine kedergi keltirdi. Memlekettik organnyń aqparattyq júıesindegi aqaý kezektiń týyndaýyna alyp keldi. Óz tarapymyzdan bul máseleni sheshý úshin birqatar shara qabyldap, «sońǵy klıentke» deıin jumys istep, qujatty qabyldaýshy mamandardyń sanyn arttyryp, avtoHQO-dan qala baǵytyna júrip- turatyn tegin avtobýstar uıymdastyrdyq. Búginde ondaǵy qyzmet qalypqa túsip, jumys barysy retteldi», - deıdi Ásemgúl Baltasheva.

Ol sondaı-aq, atalmysh ortalyqtarǵa ataýly áleýmettik kómekke úmitker analardyń kóptep keletinin de aıtady.

«Árıne, «Azamattarǵa arnalǵan úkimet» memlekettik korporatsııasy – memlekettik qyzmetterdiń biryńǵaı provaıderi. Dese de elimizdegi barlyq memlekettik qyzmetterdiń 71 paıyzy elektrondyq formatta qoljetimdi ekenin de aıtqym keledi. ıAǵnı, kerekti anyqtamalar men qujattardy egov.kz sııaqty elektrondy portal, mgov.kz qosymshasy jáne telegramdaǵy EgovKzBot arqyly onlaın alýǵa bolady. Demek HQO-syz da qujattardy alýdyń balama joly bar. Bul jerde tsıfrlyq jańashyldyqtardy qoldaný reti qıyn, báriniń úıinde noýtbýk pen kompıýter joq qoı degendi aıtatyndar da tabylatyny sózsiz. Biraq munda kóp nárseniń adamdyń óz nıetine baılanysty ekenin de umytpaý kerek. Eger adam shyn nıetimen izdense, kez kelgen kerekti aqparatty ınternetten taýyp, tamyr-tanysynan surap, tipti bolmaǵanda bizge habarlasyp bile alady», - deıdi ol.

Tsıfrlyq bolashaqqa aıaq basqan adamdardyń HQO-ǵa barmaı-aq, barlyǵyn onlaın negizde, sanaýly mınýttardyń ishinde ala bastaǵanyn aıtqan korporatsııa basshysy mundaı azamattarymyzdyń sany eselene túsedi degen úmitin de bildirgen.

Bizdiń kanalymyzǵa jazylyńyz:

Basty sózder: Qoǵam,
Bólisińiz:

Aýdarma:

Esimjan Naqtybaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT