+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Halyqqa qyzmet etetin memlekettik organ qandaı bolýy kerek - saýalnama

2021 jylǵy 23 maýsym 10:33
Bólisińiz:
Halyqqa qyzmet etetin memlekettik organ qandaı bolýy kerek - saýalnama

NUR-SULTAN. QazAqparat - 23 maýsym Qazaqstanda memlekettik qyzmetshi kúni atap ótiledi. Osyǵan oraı «QazAqparat» HAA qazaqstandyqtardyń memlekettik organdarǵa qatysty talap-tilegi týraly áleýmettik saýalnama nátıjesin usynyp otyr.

Uqsas jańalyqtar

Atalǵan saýalnamany QR Prezıdenti janyndaǵy Qazaqstan strategııalyq zertteýler ınstıtýty ázirlegen.

Eldegi memlekettik qyzmetshilerdiń róli zor, óıtkeni olar qoǵamdyq ómirdiń barlyq salalarynda memlekettiń júzege asyrylyp jatqan saıasatynyń júrgizýshisi.

Áleýmettik saýalnama nátıjesine sáıkes, suqbat alýǵa qatysqandardyń jartysynan astamy (57,5%) eń aldymen memlekettik organ jemqorlyqqa ushyramaýy tıis dep sanaıdy.

Sondaı-aq respondentter kóbinese memlekettik organnyń «sheshimder qabyldaý kezinde azamattardyń muqtajdyqtary men qajettilikterin eskeretin» (42,2%) sıpatta bolýy atap ótti.

Respondentter memlekettik organdardan azamattardyń saýaldaryna, shaǵymdary men usynystaryna jedel den qoıýdy kútedi (41,3%).

Sonymen qatar, saýalnamaǵa qatysýshylardyń 39,7%-y halyq úshin shyn máninde ashyq memlekettik organ naqty qoljetimdi memlekettik organ bolýy tıis (kedergisiz ortanyń bolýy, ruqsat berý jáne tekserý júıesiniń bolmaýy, baılanys men mekenjaı málimetteriniń ashyq qoljetimdilikte bolýy).

Respondentterdiń 35,1%-y memlekettik organnyń ashyqtyǵy úshin aǵymdaǵy qyzmet, bıýdjet, atqarylǵan jumys jáne bolashaqqa arnalǵan josparlar (statıstıka, derekter, esepter) týraly aqparat berý mańyzdy dep sanaıdy.

Respondentterdiń úshten biri halyqpen keri baılanys arnalaryn (jeke kezdesýler, jedel jeliler, onlaın-messendjerler, qosymshalar jáne t.b.) qamtamasyz etý memlekettik organnyń ashyqtyǵyna negiz bolatynyn atap ótti.

Tutastaı alǵanda, áleýmettanýlyq zertteý nátıjeleri boıynsha memlekettik organnyń negizgi sıpattamalary: memlekettik organnyń qoljetimdiligi onyń ishinde, baılanys men mekenjaı málimetteriniń ashyq qoljetimdilikte bolýy; qyzmeti men bıýdjeti týraly aqparat berýdegi ashyqtyq; halyqpen keri baılanystyń qoldanystaǵy arnalarynyń bolýy.


Sizdiń oıyńyzsha, halyq úshin shynymen ashyq memlekettik organ qandaı bolýy kerek?


Bizdiń kanalymyzǵa jazylyńyz:

Bólisińiz:

Avtor:

Qanat Mámetqazyuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT