+7 (701) 759 90 19
USD 414.46 EUR 451.35
RUB 5.77 CNY 58.12
Jańalyqtar

Halyqqa áskerı mindetti azamattardy shaqyrý jaıy túsindirildi

2020 jylǵy 3 sáýir 18:02
Bólisińiz:
Halyqqa áskerı mindetti azamattardy shaqyrý jaıy túsindirildi

NUR-SULTAN. QazAqparat – QR Aqparat jáne qoǵamdyq damý mınıstri Dáýren Abaev Áskerı mindetti azamattardy shaqyrýǵa qatysty pikir bildirdi, dep habarlaıdy QazAqparat tilshisi.

«Áskerı mindetti azamattardy shaqyrý týraly taǵy da aıtyp ketsek. Bul jańalyqqa baılanysty týyndaǵan suraqtardy túsinemiz. Búgin Qorǵanys mınıstri bul sharanyń qalaı júzege asatyny týraly tolyq túsindirdi», - dep toqtaldy mınıstr «Habar 24» telearnasynyń tikeleı efırinen.

Osy rette ol memleket basshylyqqa alatyn qaǵıdattar týraly aıtty:

- Birinshiden, qajet bolǵan jaǵdaıda ǵana shaqyrý. Memleket kúshi jetkilikti jerlerge áskerı mindetti adamdar shaqyrylmaıdy;

- Ekinshiden, óz erkimen baratyn adamdarǵa basymdyq beriledi;

Qabyldaý kezinde jasy, otbasylyq jaǵdaıy, densaýlyq jaǵdaıy sııaqty barlyq faktorlar eskeriledi. Jumys isteýshilerdiń jalaqysy saqtalady. Jumyssyz azamattarǵa tólemder bolady.

«Qyzmette táýlik boıy bolý qajet emes. Jumys kúni aıaqtalǵannan keıin úıine qaıtady. Sózsiz, olardyń barlyǵy medıtsınalyq baqylaýdan ótedi jáne qorǵanys quraldarymen qamtamasyz etiledi. Búginniń ózinde birqatar azamattar Otanǵa qyzmet etýge daıyn ekendigin bildirdi. Osy tusta, sol azamattarymyzǵa alǵys aıtamyn. Eldiń qorǵany men maqtanyshy – Ózderińiz. Sonymen birge, qazir kóptegen azamattardy el qorǵany deýge tolyq negiz bar. Olar: vırýspen kúresip jatqan – dárigerler. Muqtaj jandarǵa kómek berip júrgen – volonterler. Kúnine júzdegen maska tigip jatqan tiginshiler. Karantın rejıminiń saqtalýyn baqylap júrgen polıtsııa qyzmetkerleri. Antıseptık shyǵaryp jatqan zaýyt jumysshylary. Jedel-járdem júrgizýshileri. Mine, Prezıdenttiń «Biz birgemiz!» degen uranynyń máni men maǵynasy da osynda. Ár adam óz isin adal atqaryp, ortaq problemany sheshýge atsalysady. Osylaısha, Otanǵa qyzmet etedi», - dedi Dáýren Abaev.

«Áskerı mindetti azamattardy shaqyrý degenimiz memleket problemalardy azamattar arqyly shesheıin dep jatyr degen sóz emes. Bul – adamdardy ózderiniń qaýipsizdigin qamtamasyz etýge barynsha keńinen tartý jónindegi konstıtýtsııalyq shara», - dedi vedomstvo basshysy.

Eske sala keteıik, bıyl 2 sáýir kúni Qazaqstan Prezıdenti áskerı mindettilerdi arnaýly jıynǵa shaqyrý týraly jarlyq shyǵardy.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT