+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Halyqaralyq uıymdar Qazaqstannyń qashyqtan oqytý tásiline qoldaý bildirdi

2020 jylǵy 7 sáýir 16:47
Bólisińiz:
Halyqaralyq uıymdar Qazaqstannyń qashyqtan oqytý tásiline qoldaý bildirdi

NUR-SULTAN. QazAqparat - Dúnıejúzilik banktiń Qazaqstandaǵy turaqty ókili Jan-Fransýa Marto men ıÝNISEF ókili Artýr van Dızen Qazaqstanda qashyqtan oqytý úshin tańdalǵan tetikter týraly óz pikirlerin bildirdi, dep habarlaıdy QazAqparat.

Qazirgi tańda elde 3,2 mln astam oqýshy qashyqtan oqytý formatyna kóshti. Negizinen telesabaqtar men arnaıy mamandandyrylǵan bilim beretin ınternet-platformalar qoldanylýda. Oqýshylarmen keri baılanys «Kúndelik», «Mektep.edu.kz jáne «Bilimal.kz elektrondy jýrnaldary, sondaı-aq «Google Classroom», messendjerler, elektrondyq poshta jáne poshta qyzmeti arqyly jasalady. Barlyq telesabaqtar Internette qoljetimdi. Bul qajet bolǵan jaǵdaıda vıdeosabaqtardy qaıta kórýge múmkindik beredi. Qosymsha retinde telesabaqtardyń radıo nusqasy da usynylǵan.

Dúnıejúzilik bank ókili atap ótkendeı, búgingi kúni barlyq elder jańa jaǵdaılarǵa beıimdelýge tyrysýda jáne bilim berýde Internetke qosylý deńgeıine baılanysty túrli tetikterdi qarastyrýda. Dúnıejúzilik bank kóptegen elderge úzdiksiz bilim berý protsesin qamtamasyz etý maqsatynda qysqa merzimdi jáne uzaq merzimdi sharalar boıynsha usynystar berdi.

«Jalpy, Qazaqstannyń tańdaǵan tásilderi, telesabaqtar men radıosabaqtardy paıdalanýdy qosa alǵanda, bizdiń usynystarymyzben sáıkes keledi. Óıtkeni, eń mańyzdysy – qıyn jaǵdaılarda barlyq oqýshylardyń bilimge qol jetkizýin qamtamasyz etý. Sol sebepti, Sizder barlyǵyn durys istep jatyrsyzdar. Barlyǵy da basynan bastap 100 paıyz jumys istep ketedi dep kútýge bolmaıdy, sebebi barlyǵynyń osy jaǵdaıǵa beıimdelýi qajet», – dep atap ótti DB-nyń Qazaqstandaǵy turaqty ókili Jan-Fransýa Marto.

ıÝNISEF-tiń Qazaqstandaǵy ókildigi ókil Artýr van Dızenniń atynan Qazaqstannyń Bilim jáne ǵylym mınıstrligine resmı hat joldap, onda COVID-19 pandemııasyna baılanysty tótenshe jaǵdaı kezeńindegi tabysty yntymaqtastyǵy úshin alǵys bildirdi.

«ıÝNISEF QR Bilim jáne ǵylym mınıstrliginiń karantın men qashyqtan jumys isteý rejımine qaramastan, oqý protsesin qamtamasyz etý boıynsha basqa memlekettik organdarmen áriptestikte tanytqan kúsh-jigerin quptaıdy. Sondaı-aq, mınıstrlik qalyptasqan ahýaldy nazarǵa ala otyryp, qabyldanatyn sheshimderin jaǵdaıǵa qaraı beıimdeý úshin qajetti qadamdar jasaýda, ádistemelik jáne tehnıkalyq máseleler, qolda bar oqytý platformalary men arnalardy jandandyrý boıynsha jumystardy jalǵastyrýda», - delingen resmı hatta.

Atalǵan halyqaralyq uıymdar tótenshe jaǵdaı kezinde QR Bilim jáne ǵylym mınıstrligine qashyqtan oqytý máselelerinde qoldaý kórsetýdi jalǵastyrýǵa daıyn ekenin málimdedi.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT