+7 (701) 759 90 19
USD 381.10 EUR 420.81
RUB 5.65 CNY 54.57
Jańalyqtar

Halyqaralyq olımpıada jeńimpazdaryna JOO-ǵa túsý kezinde basymdyq berilmek

2019 jylǵy 10 qazan 18:31
Bólisińiz:
Halyqaralyq olımpıada jeńimpazdaryna JOO-ǵa túsý kezinde basymdyq berilmek

NUR-SULTAN. QazAqparat - Halyqaralyq olımpıada jeńimpazdaryna joǵary oqý oryndaryna túsý úshin basym quqyq berilýi kerek. Bul týraly QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

Uqsas jańalyqtar
Tarazda basy daýǵa qalǵan mektep dırektory qyzmetinen shettetildi 200-den astam sot sarapshysy shetelde biliktiligin arttyrdy QR Prezıdenti: Bilim júıesin jańǵyrtý máseleleri Ulttyq keńes otyrysynyń kún tártibine engiziledi

Senat qabyrǵasynda «Pedagog mártbesi týraly» zań jobasyn talqylaý barysynda depýtat Sergeı Ershov mınıstrden «Altyn belgi» ıelerine joǵary oqý ornyna túsý kezinde basymdyq berý qajet pe?» dep suraǵan edi.

«Biz munyń qajeti joq dep esepteımiz. Qazir «Altyn belgi» sany tipti geometrııalyq progoresspen artyp jatyr. Búginde «Altyn belgi» ıeleri burynǵydaı belgilerin UBT arqyly rastamaıdy nemese keńes zamanyndaǵydaı oblystyq bilim basqarmasynyń komıssııasy teksermeıdi. Mekteptiń ózi bul belgini bere salady. Sondyqtan bul belgini berý jáne qorytyndy jumystardy tekserý quziretin oblystyq basqarma deńgeıine berýdi usynamyz», - dedi mınıstr.

Degenmen, ol halyqaralyq olımpıada jeńimpazdary úshin basym quqyq berý máselesin qaıta kóterý qajet dep sanaıtynyn aıtty.

«Sebebi qazirgi ýaqytta halyqaralyq olımpıada jeńimpazdary basym quqyqsyz qaldy. Olar kóp te emes, jylyna 20-30 adam ǵana. Qazirgi ýaqytta osy halyqaralyq olımpıada jeńimpazdaryn basqa elder alyp ketip jatyr. Sondyqtan halyqaralyq olımpıada, ǵylymı konkýrs jeńimpazdaryna, halyqaralyq sporttyq jarystarǵa qatysýshylarǵa osyndaı basym quqyq berý óte mańyzdy», - dedi A.Aımaǵambetov.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT