+7 (701) 759 90 19
USD 405.77 EUR 457.91
RUB 5.77 CNY 57.42
Jańalyqtar

Halyqaralyq lańkestik atom elektr stansalaryna qaýip tóndirip tur ma

2016 jylǵy 21 qazan 15:44
Bólisińiz:
Halyqaralyq lańkestik atom elektr stansalaryna qaýip tóndirip tur ma

ASTANA. QazAqparat - Halyqaralyq lańkestiktiń jaıylýyna baılanysty syn-qaterlerdiń bir parasy álemdegi atom elektr stansalarymen baılanysty bolyp otyr. Bul týraly búgin Astanada «N. Nazarbaevtyń «Álem. HHІ ǵasyr» Manıfesi jáne qazirgi zamannyń jahandyq syn-qaterleri» atty Saıasattanýshylar halyqaralyq kongresinde ǵalym Ádil Ahmetov málim etti, dep habarlaıdy QazAqparat.

«20-shy ǵasyrda jappaı qyryp joıatyn ıadrolyq qarýlar tek alpaýyt elderdiń ǵana ýysynda bolsa, búgingi tańda ondaı qarý shyǵarýǵa tehnıkalyq múmkindikteri jetkilikti memleketterdiń sany 40-qa jetip otyr jáne olardyń arasynda ekonomıkalyq turǵydan álsiz elder de barshylyq. Bul qaı turǵydan bolmasyn óte qaýipti syn-qater ekeni daý tyǵyzbaıdy. Óıtkeni, túptiń túbinde bul kúlli órkenıet pen adam balasynyń tegis joıylyp ketýine aparatyn tuıyq ta, qaterli jol»,-dep toqtaldy ǵalym.

Osy oraıda ol ústimizdegi jyly Vashıngtonda ótken tórtinshi antııadrolyq sammıttiń minberinen sóılegen Prezıdent Nursultan Nazarbaevtyń úndeýi kópshiliktiń qoldaýyna ıe bolyp, óte mańyzdy pikirtalasqa ulasqanyn atap ótti.

«Halyqaralyq lańkestiktiń etek alýymen baılanysty endigi apat, syn-qaterlerdiń bir parasy álemdegi atom elektr stansalary desek, múlde artyq aıtqandyq emes. Óıtkeni, ústimizdegi jyly lańkesterdiń Belgııadaǵy atom elektr stansasyn jarmaq bolǵan áreketi buǵan naqty dálel bola alady. Bul turǵydan kelgende, búgingi tańda álemniń 31 elinde elektr qýatyn óndiretin 192 atom elektr stansalarynyń barlyǵy da osy syn-qaterlerdiń nysandaryna jatatyny kúmán týdyrmasa kerek. Osy nysandarda qazirgi kezde 438 energııalyq blok qýat óndiredi. Bul tizimniń basynda AQSh, Frantsııa, Reseı, Ulybrıtanııa, Japonııa jáne basqalar tur. Búgingi tańda álgilerden bólek taǵy da 72 ıadrolyq blok iske qosylyp jatyr. Olardyń kópshiligi Qytaıda (28), Reseıde (10), Úndistan (6), Ońtústik Koreıada (5) jáne basqa elderde»,-dedi Á. Ahmetov.
Sonymen qatar ǵalym ıadrolyq qaýip te, ıadrolyq qaldyqtar da atalmysh bloktarmen qatar ulǵaıyp kele jatqanyn jetkizdi.

«Dál osy máselede Elbasynyń «HHІ ǵasyr: soǵyssyz álem» manıfesiniń máni zor. Bul ǵalamdyq qujatta Memleket basshysy qazirgi zamandaǵy syn-qaterlerdi óte salmaqty dáıektermen dáleldegen»,-dedi ol.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT