+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Halyqaralyq konferentsııa: Qazaqstan men Reseı ǵalymdary tatý kórshiliktiń mańyzdylyǵyn aıtty

2021 jylǵy 20 sáýir 18:42
Bólisińiz:
Halyqaralyq konferentsııa: Qazaqstan men Reseı ǵalymdary tatý kórshiliktiń mańyzdylyǵyn aıtty

MÁSKEÝ. QazAqparat –Máskeý qalasynda ótken «Qazaqstan jáne Reseı: strategııalyq áriptestik pen jan-jaqty yntymaqtastyqtyń 30 jyly» taqyrybyndaǵy halyqaralyq ǵylymı- praktıkalyq konferentsııanyń «HH ǵasyr jáne Táýelsizdik. Qazaqstan men Reseı arasyndaǵy strategııalyq seriktestik pen odaqtastyqty damytý» taqyrybyndaǵy ekinshi sessııa jumysy uıymdastyryldy, dep habarlaıdy QazAqparat.

Sóz alǵan tarıhshylar men saıasattanýshylar tarıhı ótkenge, onyń ishinde keńestik kezeńdi zertetýge júıeli jáne keshendi túrde qaraý kerek dep atap ótti.

Qazaqstan-nemis ýnıversıteti janyndaǵy Halyqaralyq jáne aımaqtyq yntymaqtastyq ınstıtýtynyń dırektory, tarıh ǵylymdarynyń doktory B.K. Sultanov «Qazaqstan men Reseıdiń, qazaq jáne orys etnostarynyń arasyndaǵy qatynastar ártúrli, keıde qıyn tarıhı shynaıylyq jaǵdaıynda damydy» dep atap ótti.

Onyń paıymynsha, HHІ ǵasyrda eki memleket ekonomıkany, saıasatty, halyqaralyq qatynastardy jáne gýmanıtarlyq salany qamtıtyn kóp qyrly qatynastardyń jańa deńgeıine shyqty.

Reseı ǵylym akademııasynyń Shyǵystaný ınstıtýtynyń aǵa ǵylymı qyzmetkeri, tarıh ǵylymdarynyń kandıdaty I.S. Savınnyń baıandamasy eki memleket qoǵamdarynyń ózara baılanysynyń aýqymdy jelisine arnaldy. Sarapshynyń pikirinshe, «jyl saıyn Qazaqstannyń júz myńdaǵan azamaty ártúrli maqsatta Reseıge saparlaıdy, al Reseıdiń kem degende júz myń azamaty Qazaqstanda bolady».

Osy turǵyda reseılik ǵalym eki el de tatý kórshilikke múddeli ekenin atap ótti.

Bul oıdy QR Bilim jáne ǵylym mınıstrligi Memleket tarıhy ınstıtýtynyń dırektory, tarıh ǵylymdarynyń doktory E.A. Ábil jalǵastyrdy.

Atap aıtqanda, Azııa zertteýler ınstıtýtynyń dırektory, tarıh ǵylymdarynyń kandıdaty S.M. Ákimbekov óz sózinde tarıh – ol biregeıliktiń negizi ekenin, jalpyǵa ortaq tarıhty jazý óte qıyn ekendigin, óıtkeni ol mindetti túrde óte sezimtal taqyryptardy da qozǵaýy kerektigin aıtty. Reseı ımperııasy, Keńes Odaǵy kezeńindegi máseleler ońaı emes jáne bul úshin kóptegen kúrdeli taqyryptardy ashyp, olarǵa baǵa berý kerekti erekshe atalyp ótti.

Bul turǵyda Reseı ǵylym akademııasy Shyǵystaný ınstıtýtynyń aǵa ǵylymı qyzmetkeri, tarıh ǵylymdarynyń kandıdaty A.D. Vasılev óz sózinde bólisken burynǵy KSRO túrki halyqtarynyń álipbılerin latyndandyrý týraly tarıh betterinde az zerttelgen málimetter úlken qyzyǵýshylyq týdyrdy.

Óz kezeginde Eýrazııalyq ıntegratsııa ınstıtýtynyń dırektory Ý.K. Selteev eki memleket te Eýrazııa kontınentindegi negizgi strategııalyq seriktester bolǵan jáne solaı bolyp qala beretinin atap ótti. 30 jyl ishinde ekijaqty yntymaqtastyqty nyǵaıtý úshin barlyq múmkin dıplomatııalyq jáne saıası qadamdar jasaldy. Resmı deńgeıde, shyn máninde, sheshilmegen birde-bir másele joq.

Osy oraıda ol arandatýshylyq málimdemeler elderimiz arasyndaǵy qatynastarǵa kóleńke túsirmeýi kerektigin aıtty.

Budan buryn habarlanǵandaı, 20 sáýirde Máskeý qalasynda Reseı ǵylym akademııasynyń Shyǵystaný ınstıtýtynda «Qazaqstan jáne Reseı: strategııalyq áriptestik pen jan-jaqty yntymaqtastyqtyń 30 jyly» taqyrybynda halyqaralyq ǵylymı – praktıkalyq konferentsııa ótti.

Halyqaralyq konferentsııa jumysyna qazaqstandyq jáne reseılik tarıhshy-ǵalymdar, saıasattanýshylar, halyqaralyq qatynastar mamandary, Qazaqstan men Reseı parlamentteriniń depýtattary qatysty. Ǵylymı forým jumysyna onlaın formatta qosylǵan RǴA ShI, E.Prımakov atyndaǵy RǴA ÁEHQI, QR Prezıdenti janyndaǵy QSZI, L.N. Gýmılev atyndaǵy Eýrazııa ulttyq ýnıversıteti men M.V.Lomonosov atyndaǵy MMÝ qazaqstandyq fılıalynyń ǵalymdary men sarapshylary qatysty.

Halyqaralyq ǵylymı- praktıkalyq konferentsııanyń birinshi sessııasy «Qazaqstan-Reseı qarym-qatynasy: tarıhtan búginge deıin» atty taqyrypta boldy.

Onyń barysynda eki el arasyndaǵy tatý kórshilik qatynastardyń negizi retindegi halyqtar arasyndaǵy tarıhı-mádenı baılanystar máseleleri talqylandy.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT