Halyqaralyq izdeýde júrgen qyzylordalyq Qaraǵandyda ustaldy
2022 jylǵy 28 maýsym 12:15

Halyqaralyq izdeýde júrgen qyzylordalyq Qaraǵandyda ustaldy

QYZYLORDA. QazAqparat - Halyqaralyq izdeýde júrgen qyzylordalyq jigit Qaraǵandy qalasynda saıabaqtyń birinde qolǵa tústi, dep habarlaıdy QazAqparat tilshisi.

Bul baǵytta Qyzylorda jáne Qaraǵandy oblystary polıtsııa departamentteriniń krımınaldyq polıtsııa basqarmalarynyń qyzmetkerleri birlesken túrde jedel izdestirý sharalaryn júrgizdi.

«Nátıjesinde tergeýden boı tasalap, halyqaralyq izdeýde júrgen qyzylordalyq jigit Qaraǵanda qalasynda saıabaqtyń birinde ustaldy. Ol QR Qylmystyq kodeksiniń 99-babynyń 2-bóliginiń 7,9-tarmaqtary boıynsha qylmys jasaǵan dep aıyptalýda. Onda buzaqylyq nıetpen, aldyn ala sóz baılasý arqyly adamdar tobymen óltirýge oqtalý jaǵdaıy kórsetilgen», - dep málim etti Qyzylorda oblystyq polıtsııa departamentinen.

Vedomstvonyń málimetinshe, kúdikti azamatqa qatysty «kúzetpen ustaý» túrindegi bultartpaý sharasy tańdaldy. Ol ýaqytsha ustaý ızolıatoryna qamaqqa alyndy.

Eske salsaq, budan buryn Qyzylorda oblysynda iri esirtki alqaby anyqtaldy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT