+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

«Habar» telearnasynan Elbasy týraly tarıhı fılmder tsıkli bastalady

2020 jylǵy 30 qarasha 16:41
Bólisińiz:
«Habar» telearnasynan Elbasy týraly tarıhı fılmder tsıkli bastalady

NUR-SULTAN. QazAqparat - Búgin keshki saǵat 20.30-da «Habar» telearnasynan Qazaqstan Respýblıkasynyń Tuńǵysh Prezıdenti - Elbasy N.Nazarbaevtyń qyzmettik joly týraly derekti fılmder tsıklynan alǵashqy kınokartınany kórińiz.

«Habar» agenttigi men «Argýmenty ı fakty Kazahstan» gazetiniń birlesken jobasy ártúrli mazmundaǵy 6 fılmnen turady. «Habar» agenttiginiń basshysy Erlan Bekhojın joba jetekshisi boldy.

Tsıkldegi ár derekti fılmde táýelsiz memleketimizdiń tarıhyndaǵy aıtýly kúnder beınelengen. Kınokartınalar Táýelsiz Qazaqstandy qurýdaǵy Qazaqstan Respýblıkasynyń Tuńǵysh Prezıdentiniń rólin, onyń búkil postkeńestik keńistiktiń damýyna qosqan úlesin kórsetýge arnalǵan. Olar Elbasynyń kóshbasshylyq qubylysyn tarıhı mańyzy bar sheshimder men bastamalar arqyly ashady.

Ár fılmde kórsetilgen qyzyqty faktiler, erekshe pikirler, arhıvtik kadrlar elde jáne álemde bolyp jatqan tarıhı oqıǵalarmen úılesedi.

Tsıkldegi alǵashqy úsh fılm: «Ystyq 91»: «Nursultan Nazarbaev TMD-ny qalaı qurdy»; «Qalypty ushý»: Nursultan Nazarbaev jańa memleketti «orbıtaǵa» qalaı shyǵardy»»; «Joıý» operatsııasy: Nursultan Nazarbaev ıadrolyq synaq polıgonyn qalaı japty» KSRO-nyń ydyraýynyń eń qıyn kezeńinen, táýelsizdikke jetý jolyndaǵy alǵashqy qadamdardan, Semeı ıadrolyq polıgonynyń aınalasyndaǵy keńestik áskerı-ónerkásiptik keshenge qarsy kúresten syr shertedi.

Derekti fılmderdiń jalǵasy «Shaıtandy qýyp shyǵarý»: «Nursultan Nazarbaevtyń ıadrolyq «jýan taıaqtan» qalaı bas tartqan»; «Óte qupııa»: Nursultan Nazarbaev ulttyq valıýtany qalaı engizdi»; «Kádimgi ǵajaıyp»: Nursultan Nazarbaevtyń jańa astanany qalaı saldy»kórermenderge tarıhtaǵy ıadrolyq qarýsyzdaný, teńgeniń engizilýi jáne astananyń aýysýy sııaqty jarqyn sátter týraly aıtyp beredi.

Bir fılm 26 mınýtty quraıdy. Osy ýaqyt ishinde árbir kórermen Qazaqstan Respýblıkasynyń Tuńǵysh Prezıdenti - Elbasy N.Nazarbaevtyń basshylyǵymen «ýaqyt sekirisine» qol jetkizgen Qazaqstannyń oılastyrylǵan jańarýynyń kýágeri bola alady.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT