+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

«Habar» agenttiginiń qyzmetkerlerine páter berildi

2021 jylǵy 24 maýsym 16:16
Bólisińiz:
«Habar» agenttiginiń qyzmetkerlerine páter berildi

NUR-CULTAN. QazAqparat - Buqaralyq aqparat quraldary qyzmetkerleri kúni merekesi qarsańynda «Habar» agenttiginiń qyzmetkerleri qonys toıyn toılaýda, dep habarlaıdy QazAqparat.

Uqsas jańalyqtar
«Qazaqstan sheteldik BAQ kózimen»: 36 eldiń tilshileri qatysqan baıqaý qorytyndylandy ShQO-da mıllıon sharshy metr turǵyn úı salyndy

Páterge ıe bolǵandardy Qazaqstan Respýblıkasy Prezıdenti Ákimshiligi Basshysynyń birinshi orynbasary - Dáýren Abaev pen Qazaqstan Respýblıkasy aqparat jáne qoǵamdyq damý mınıstri - Aıda Balaeva quttyqtady.

«Meniń oıymsha qalǵan telearnalar «Habar» belgilegen deńgeıge jetýge umtylady. Búgingi is-shara - «Habar» tek aqparat berip qana qoımaı, óz kadrlaryna qamqorlyq jasaıtynynyń jarqyn dáleli», - dedi Qazaqstan Respýblıkasy Prezıdenti Ákimshiligi Basshysynyń birinshi orynbasary.

Aqparat jáne qoǵamdyq damý mınıstri Aıda Balaevanyń aıtýynsha, Agenttik qyzmetkerleriniń kásibı merekesi qarsańynda páterge ıe bolýy - óte quptarlyq.

«Men búgin sizdermen osy qýanyshty oqıǵamen bóliskenime óte qýanyshtymyn. Shynynda da, kez-kelgen adam deni saý bolýdy, balalar óz oshaǵy men úıi bar otbasynda óskenin armandaıdy. Agenttik basshylyǵynyń osyndaı erekshe múmkindik bergenine óte qýanyshtymyn. Men ár otbasynyń órkendep, baqytty bolýyn tileımin, «Habar» turǵyn úı kesheninde árdaıym keremet is-sharalar bolyp tursyn. Sizderge shyǵarmashylyq tabys pen baqyt tileımin», - dedi Aıda Balaeva .

Jańa «Habar» turǵyn úı kesheni elordanyń perspektıvaly aýdanynda ornalasqan. Bul - jer asty parkıngi bar 10 qabatty zamanaýı ǵımarat. Agenttiktiń úzdik qyzmetkerleri páterdi jaldaý quqyǵy aıasynda, keıinnen satyp alý múmkindigin qarastyratyn júıe arqyly aldy. Taǵy 200 qyzmetker óte qolaıly sharttar boıynsha jaılylyq-sanatyndaǵy turǵyn úıden páter satyp alý múmkindigine ıe boldy.

«Habar» Agenttiginiń Basqarma tóraǵasy Erlan Bekhojın bul jobanyń júzege asyrylǵandyǵyna óte qýanyshty ekenin atap ótti.

«Bul óte qýanyshty oqıǵa. Meniń oıymsha, bizdiń búgingi is-sharamyzdyń «Baqyt mekeni» degen uranyna nazar aýdarǵan bolarsyzdar. Shyn máninde, adam úshin baspana - jaı qabyrǵa ǵana emes, bul ómir aýmaǵy, jaıly atmosfera, bul balalar ósetin oryn. Biz bul jobany júzege asyra alǵanymyzǵa qýanyshtymyz. Árıne, men úıdi qysqa merzimde salǵan qurylysshylarǵa alǵys aıtqym keledi», - dedi Erlan Bekhojın .

Qazaqtyń dástúri boıynsha búgingi merekege jınalǵandarǵa «shashý» shashylyp, sodan keıin qonaqtar páterdi qarap shyqty. Kásibı mereke qarsańynda Agenttik qyzmetkerlerine ulttyq estrada juldyzdary óner kórsetti.

«Habar» telearnasynyń «Jańalyqtar» qyzmetiniń shyǵarýshy redaktory Dostyq Bekbaev Agenttikte 9 jyldan beri jumys isteıdi. Búgin ol da óz baspanasyna ıe bolyp otyr. Buryn ol qala syrtynda tursa, endi óz otbasymen jańa páterge kóshedi.

«Tórt balam bar. Meniń jumysyma berilgendigimdi eskerip, basshylyq páter kiltin tabystady. Óte qýanyshtymyn. Men mundaı múmkindik úshin basshylyqqa rızamyn. Páter óte keń jáne jaıly. Biz dereý kóshemiz, tipti jóndeý jumystary da kerek emes. Óıtkeni ishi taza jáne ádemi boldy. Páter jaqsy - 80 sharshy metr. Terezeden elordanyń keremet kórinisi ashylady», - dep qýanyshymen bólisti Dostyq Bekbaev.

Aıta ketý kerek, Agenttik baspanaǵa muqtaj qyzmetkerlerine 2008 jyldan bastap keńse ǵımaratynda bólmeler berip keldi. 2017 jyly turǵyn úı jaǵdaılaryn jaqsartý maqsatynda «Habar» Agenttigi qyzmetkerlerine jańa ǵımarat berildi.



Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059

MURAǴAT