+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

«Habar» agenttigi Junior Eurovision júldegeri Erjan Maksımge syılyq jasady

2019 jylǵy 28 qarasha 17:48
Bólisińiz:
«Habar» agenttigi Junior Eurovision júldegeri Erjan Maksımge syılyq jasady

NUR-SULTAN. QazAqparat - Qazaqstandyqtar besinshi kún qatarynan Erjan Maksımniń Balalar Eýrovıdenıesiniń aqtyq máresinde kórsetken ónerin tamsana aıtýda.

«Habar» Agenttiginiń atynan taǵy bir márte bizdiń Erjandy bedeldi - Balalar Eýrovıdenıesi baıqaýynda joǵary deńgeıde óner kórsetýimen quttyqtaımyn. Eýropa elderiniń ortasynda Kazaqstan eli pash etilgende bizdiń keýdemizdi qýanysh kernedi. Barlyqtaryńyz, daýys berý aıasynda, mıllıondaǵan aýdıtorııa aldynda bizdiń memlekettiń ataýy san ret atalǵanynyń kýási boldyńyzdar. Sondyqtan da, Erjandy bul baıqaýdyń naǵyz jeńimpazy dep sanaımyz» , - deıdi «Habar» agenttiginiń basqarma tóraǵasy Erlan Bekhojın.

Eske sala keteıik, «Habar» agenttigi - is-sharany uıymdastyratyn Eýropalyq habar taratý odaǵynyń (EBU) qaýymdasqan múshesi. Bul múshelik Junior Eurovision baıqaýyna qatysý úshin elden úmitker usynýǵa múmkindik berdi.

«Bul jetistikke jetý úshin biz kóp jumys atqardyq. Baıqaýǵa qatysý múmkindigine ıe bolý úshin kelissózder sharaǵa deıin, aldyn ala uzaq ýaqyt boıy júrgizildi, túbinde oń nátıjege jetetinimizge bek sengen, bir-biriniń pikirimen únemi aqyldasyp, sanasyp otyratyn arnaıy uıymdastyrýshylar toby óz jumysyn tıisti deńgeıde oryndady» , -dep atap ótti agenttik basshysy.

Bir jyl boıy agenttik atsalysady-aý degen áleýetti demeýshiler men tanymal tulǵalarmen sansyz kezdesýler men kelissóz júrgizýmen boldy.

«Ókinishke qaraı, eki kompanııadan basqa eshqaısysynan aıtarlyqtaı qoldaý kórmedik» , - dep atap ótti Bekhojın.

«Búginde Erjannyń álemdi dúr silkindirgen ónerinen keıin, qoıylymnan keıin, janashyr jáne qoldap jatqan, tipti keı jerlerde ekinshi oryn alǵany úshin syn aıtyp jatqan adamdardyń syrtynan baqylaý qyzyq áserge qaldyrýda. Sol adamdardyń qoldaýyn baıqaýǵa DEIІN sezsek, kórsek, biz shyn júrekten qýanatyn edik degim keledi», - deıdi Erlan Bekhojın.

«Habar» agenttiginiń basshysy Polshanyń Glıvıtse qalasynda ótken baıqaýda qara úzgen trıýmfatorǵa syılyǵyn tapsyrdy.

«Erjan Polshaǵa jol júrer aldynda «Habardaǵy» kezdesýlerdiń birinde men «Eýrovıdenıedegi jeńisi úshin onyń armandaǵan syılyǵyn alyp beremiz» degen bolatynmyn. Ózderińiz kórip turǵandaı, biz óz ýádemizde turdyq», - dep sózin aıaqtady ol.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT