FÝTBOLDAN ÁLEM ChEMPIONATY-2022
  Jańalyqtar  >

«Habar» agenttigi «Junior Eurovision 2022» án baıqaýyn tikeleı efırde kórsetedi

2022 jylǵy 5 qazan, 19:54
«Habar» agenttigi «Junior Eurovision 2022» án baıqaýyn tikeleı efırde kórsetedi

ASTANA. QazAqparat – «Habar» agenttigi «Junior Eurovision 2022» án baıqaýyn tikeleı efırde kórsetedi. Bul týraly «Habar» agenttigi AQ basqarmasy tóraǵasynyń orynbasary Danııar Meńilbekov aıtty, dep habarlaıdy QazAqparat tilshisi.

«Balalar arasynda 20-ret ótkeli otyrǵan Eýrovıdenıe bıyl Armenııada, osy eldiń astanasy Erevan qalasynda jeltoqsan aıynda ótedi. Onyń grand-fınaly osy jyly 11 jeltoqsanǵa josparlanyp otyr. «Habar» agenttigi osy is-sharaǵa qatysýshy, ony el aýmaǵynda kórsetýshi, habar taratýshy retinde aýqymdy baıqaýdy sol kúni 21-00-de tikeleı efırden kórermen nazaryna usynady. Bıylǵy baıqaýǵa 16 eldiń jas ónerpazy qatysady. Olar: Albanııa, Armenııa, Frantsııa, Grýzııa, Irlandııa, Italııa, Malta, Nıderlandy, Soltústik Makedonııa, Polsha, Portýgalııa, Serbııa, Ispanııa, Ulybrıtanııa jáne Qazaqstannyń jas ónerpazdary. Olar 100 mıllıondaǵan kórermenge ónerlerin pash etip, baq synap, kim myqtyny anyqtaıdy», - dedi Danııar Meńilbekov Ortalyq kommýnıkatsııalar qyzmetindegi baspasóz máslıhatynda.

Bıyl atalǵan án baıqaýynda elimizdiń namysyn 12 jastaǵy Almaty qalasynyń turǵyny Davıd Charlın qorǵaıdy. Ol bıyl Aqtóbede ótken «Baqytty Vala-2022» balalardyń ashyq vokaldyq festıval-baıqaýyna qatysqan bolatyn. Dál osy baıqaýda ol erekshe kózge túsip, Evrovıdenıege qatysý qurmetine ıe bolǵan edi.

Búgingi baspasóz máslıhatyna Davıd te qatysty.

«Mýzykamen aınalysyp júrgenime shamamen 3 jyl bolǵan sııaqty. Al kásibı turǵyda sońǵy 1 jyl aınalysyp kelemin. Ultym – armıan, biraq, jan-júregim – qazaq. Barsha Qazaqstan halqynan qoldaý kútemin», - dedi ol.


Foto: esc-plus.com


Tegı:
Mádenıet   BAQ   Qoǵam  
Uqsas jańalyqtar
Seriktester jańalyqtary

Jańalyqtar