+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Ǵylymı dıssertatsııa qorǵaýǵa qoıylatyn jańa talaptar qandaı - mınıstr jaýaby

2020 jylǵy 25 qańtar 22:39
Bólisińiz:
Ǵylymı dıssertatsııa qorǵaýǵa qoıylatyn jańa talaptar qandaı - mınıstr jaýaby

NUR-SULTAN. QazAqparat – Bilim jáne ǵylym mınıstri Ashat Aımaǵanbetov Facebook-paraqshasynda ǵylymı kadrlardy daıarlaýdy jetildirý máseleleri jóninde aıtty, dep habarlaıdy QazAqparat.

Mınıstr diń aıtýynsha, ǵylymı qyzmettiń negizgi nátıjelerin jarııalaý úshin Bilim jáne ǵylym salasyndaǵy baqylaý komıteti usynǵan ǵylymı basylymdardyń tizbesine kiretin jýrnaldarǵa qoıylatyn talaptardy ózgertý bóliginde QR Bilim jáne ǵylym mınıstrliginiń №20 buıryǵyna ózgerister engizý týraly buıryq jobasy ázirlenip, sheshim qabyldanǵan.

«Búginde oǵan kontenttiń joǵary sapasyn árdaıym qamtamasyz ete almaıtyn belgili bir ólshemder boıynsha iriktelgen 177 otandyq basylym kiredi. Osyǵan baılanysty, biz Scopus jáne Web of Science sııaqty derekter qorynyń talaptaryna sáıkes osy jýrnaldarǵa qoıylatyn talaptarymyzdy beıimdeý boıynsha jumysty bastadyq.

Bul, mysaly, qosarlanǵan jasyryn retsenzııalaý, anyq redaktsııalyq saıasat, qabyldanǵan maqalalardyń jýrnaldyń taqyryptyq baǵytyna sáıkestigi, sheteldik retsenzentter, barlyq jarııalaý úrdisiniń transparenttiligi, kúshti redaktsııalyq alqa, avtorlyq quqyqty qorǵaý jáne t. b.Osy talaptar 1-1,5 jyl ishinde kezeń-kezeńmen osy tizbege kiretin barlyq otandyq ǵylymı jýrnaldarǵa qoldanylady.

Osy oraıda basylymdardyń sany qysqarady dep kútilýde, sapaly kontent úshin básekelestik artady jáne bul jalpy alǵanda halyqaralyq deńgeıdegi ǵylymı basylymdardy shyǵarýdyń kásibı akademııalyq mádenıetin qalyptastyrýǵa qyzmet etedi», - dep jazady mınıstr facebook paraqshasynda.

Ashat Aımaǵanbetovtyń aıtýynsha, mınıstrlik Scopus jáne Web of Science halyqaralyq bazalarynyń qataryna enýi tıis birqatar ǵylymı jýrnaldardy qarjylyq qoldaýǵa konkýrs jarııalaýdy josparlap otyr. Kóbinese otandyq ǵylymı jýrnaldardyń JOO men ǵylymı uıymdardyń basshylary nazarynan tys qalyp jatatyndyǵy qupııa emes, keıbir jerlerde qarjylyq qoldaý jetkiliksiz. Mınıstrlik tarapynan jekelegen jýrnaldardy irikteý jáne qoldaý olardyń sapasy men bedelin arttyrýǵa múmkindik beredi.

«QR BǴM №127 buıryǵyna sáıkes, doktorantqa qorǵaýǵa shyǵý úshin mindetti túrde 7 maqala jarııalaý kerek, bul rette sapasy boıynsha erekshe talaptar qoıylmaıdy.

Nátıjesinde basty nazar tek sandyq kórsetkishke aýdarylyp, maqalalar sapasy kúmándi jýrnaldarda jarııalana bastaıdy. Keıin ǵalymdarymyzdyń maqalalary halyqaralyq bazalardan shyǵarylǵan belgisiz bir jýrnaldarda basylyp shyqqanda tań qalyp jatamyz. Álbette, qalyptasqan bul dástúrdi ózgertý kerek. ıAǵnı, suranysqa ıe emes «álsiz» jýrnaldarda maqalalardyń kóp jarııalanýyna qaraǵanda, bedeldi jýrnaldarda sapaly jarııalanymdar az shyqqany jaqsyraq dep anyq aıtýǵa bolady.Degenmen, bar erekshelikti eskere otyryp, áleýmettik-gýmanıtarlyq ǵylymdardyń damý deńgeıine sáıkes keletin gýmanıtarlyq jáne áleýmettik mamandyqtar úshin jekelegen talaptar qalyptastyrylatyn bolady», - deıdi ol.

Sonymen qatar, magıstrlik jáne doktorlyq dıssertatsııalar jetekshilerine qoıylatyn talaptar da ózgeredi.

Eske salsaq, buǵan deıin Ashat Aımaǵambetov ǵylymdy basqarý júıesinde qandaı ózgerister bolatynyn aıtqan edi.



Bizdiń kanalymyzǵa jazylyńyz:

Bólisińiz:

Avtor:

Saıagúl Jarylqasyn

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT