+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

Gýmanıtarlyq kómek: QazVac vaktsınasynyń 25 myń dozasy Qyrǵyzstanǵa jetkizildi

2021 jylǵy 28 shilde 16:18
Bólisińiz:
Gýmanıtarlyq kómek: QazVac vaktsınasynyń 25 myń dozasy Qyrǵyzstanǵa jetkizildi

BІShKEK. QazAqparat – Búgin Qyrǵyzstanǵa COVID-19 pandemııasymen kúrestegi yntymaqtastyq sheńberinde Qazaqstannan QazVac ınaktıvtendirilgen vaktsınasynyń 25 000 doza kóleminde izgilik kómek jetkizildi, dep habarlaıdy QazAqparat.

Bul jaıynda Qazaqstannyń Syrtqy ister mınıstrligi málimet taratty.

Vaktsınany tapsyrý rásimi Qyrǵyzstan Densaýlyq saqtaý mınıstri Alymkadyr Beıshenalıev, Qazaqstan Elshisi Rápil Joshybaev pen medıtsınalyq uıymdar ókilderiniń qatysýymen ótti.

Mınıstr A.Beıshenalıev elde koronavırýstyq ınfektsııanyń odan ári taralýyna qarsy is-qımylda mańyzdy qoldaý kórsetkeni úshin Qazaqstan tarapyna shynaıy rızashylyǵyn bildirdi.

«Biz Astra Zeneca, Sputnik V jáne basqa da sheteldik vaktsınalarmen qyrǵyzstandyqtar QazVac-pen de ekpe alatynyna qýanyshtymyz», - dep atap ótti ol osy oraıda.

Onyń aıtýynsha, qazaqstandyq vaktsına halyqty vaktsınalaý pýnktterine jedel taratylady jáne azamattardyń koronavırýsty juqtyrý qaýpin azaıtý boıynsha respýblıkanyń medıtsınalyq júıesiniń múmkindikterin nyǵaıtady.

Óz kezeginde R. Joshybaev vaktsınany jetkizýdi Qazaqstan Prezıdenti Qasym-Jomart Toqaevtyń Qyrǵyzstan Prezıdenti Sadyr Japarovpen kelissóz nátıjesi boıynsha bergen tapsyrmasyna sáıkes Qazaqstan Úkimeti uıymdastyrǵanyn atap ótti.

«Qyrǵyzstan bizdiń dostarymyz ben halyqaralyq seriktesterimizdiń arasynda birinshi bolyp koronavırýsqa qarsy qazaqstandyq vaktsına alady, bul elderimiz arasyndaǵy dostyq pen tatý kórshilestik qatynastaryn taǵy da rastaıdy», – dep atap ótti elshi.

Ol sondaı-aq Qazaqstannyń izgilik kómegi kóptegen adam ómirin qutqarýǵa jáne Qyrǵyzstandaǵy sanıtarlyq-epıdemıologııalyq jaǵdaıdy jaqsartýǵa kómektesetinine senim bildirdi.

QazVac vaktsınasyn Qazaqstannyń Bilim jáne ǵylym mınıstrliginiń Bıologııalyq qaýipsizdik problemalarynyń ǵylymı-zertteý ınstıtýty óndirip shyǵarǵan jáne 2021 jyldyń basynan beri ol reseılik jáne qytaılyq mamandar ázirlegen preparattarmen qatar qazaqstandyqtardy vaktsınalaý úshin keńinen qoldanylady.

Qazaqstanda klınıkalyq synaqtar men ony keńinen qoldaný tájirıbesi QazVac vaktsınasynyń qaýipsizdigin jáne onyń koronavırýstyq ınfektsııa men onyń aýyr túrlerin juqtyrýdyń aldyn alýda joǵary tıimdiligin (90%-dan astam) kórsetti.

QazVac-pen vaktsınalaý 18 jastan asqan adamdarǵa usynylady jáne bulshyqet ishine eki kezeńde júrgiziledi, olardyń arasyndaǵy usynylatyn aralyq 21 kúndi quraıdy.

Budan buryn habarlanǵandaı, salalyq organdar otandyq vaktsınaǵa kelisim alý úshin Dúnıejúzilik densaýlyq saqtaý uıymymen jumys júrgizip jatyr.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT