+7 (701) 759 90 19
USD 414.46 EUR 451.35
RUB 5.77 CNY 58.12
Jańalyqtar

Gúlshara Ábdiqalyqova Qyzylordaǵy koronavırýspen kúres sharalarymen tanysty

2020 jylǵy 28 naýryz 18:07
Bólisińiz:
Gúlshara Ábdiqalyqova Qyzylordaǵy koronavırýspen kúres sharalarymen tanysty

QYZYLORDA. QazAqparat - Búgin Qyzylorda oblys ákimi qyzmetine taǵaıyndalǵan Gúlshara Ábdiqalyqova aımaqtaǵy koronavırýspen kúres boıynsha atqarylyp jatqan jumystarmen tanysty, dep habarlaıdy QazAqparat tilshisi.

G.Ábdiqalyqova aldymen oblystyq juqpaly aýrýlar aýrýhanasyna bardy.Úsh qabatty ǵımaratta ornalasqan emdeý orny 1989 jyldan beri jumys isteıdi. Onda oblystyq densaýlyq saqtaý basqarmasynyń basshysy Jaqsylyq Ábdýsametov óńirde koronavırýs indetiniń aldyn alý baǵytyndy atqarylyp jatqan sharalar týraly baıandady. Koronavırýsqa qarsy kúres jónindegi aımaqtyq shtab otyrysynyń sheshimine sáıkes, barlyǵy 100 provızorlyq statsıonar ashylǵan. Onyń 30-y oblystyq juqpaly aýrýlar aýrýhanasynda, 70-i oblystyq balalar men jasóspirimderge arnalǵan týberkýlezge qarsy sanatorııasynda ornalastyryldy. Sonymen qatar, karantınge oqshaýlaý maqsatynda oblys boıynsha barlyǵy 850 tósek oryn daıyndalǵan.


Aımaq basshysy aýrýhanalarda tósek oryndaryn kóbeıtýdi jáne koronavırýs aýrýynyń aldyn alý boıynsha jumystardy kúsheıtýdi tapsyrdy.

«Memleket basshysy koronavırýs indetiniń taralýyna baılanysty elimizde tótenshe jaǵdaı jarııalady. Bul jaǵdaıda medıtsına qyzmetkerlerine úlken jaýapkershilik artylady. Emdeý mekemelerinde tósek ornyn kóbeıtý qajet. Vırýstyń taralýyn aldyn alý jáne emdeý úshin kúsheıtilgen rejımde qyzmet jasaıtyn bolamyz», - dedi Gúlshara Naýshaqyzy.


Munan soń oblys ákimi ulttyq saraptama ortalyǵy jumysymen tanysty. Qyzylorda qalasynda ornalasqan QR DSM taýarlar men kórsetiletin qyzmetterdiń sapasy men qaýipsizdigin baqylaý komıteti Ulttyq saraptama ortalyǵynyń fılıaly qajetti quraldarmen jabdyqtalǵan. Test qondyrǵylarynyń sany - 800 dana. Qyzmetkerler qorǵanysh kostıými, betperde jáne qolǵappen qamtamasyz etilgen. Aǵymdaǵy jyldyń 30 naýryzynda qosymsha medıtsınalyq buıymdar jetkiziledi dep josparlanýda.

Aıta keteıik, Qyzylorda oblysynda koronavırýsty ınfektsııasynyń taralýyn boldyrmaý jónindegi sanıtarııalyq-epıdemııaǵa qarsy jáne sanıtarııalyq-profılaktıkalyq is-sharalardy úılestirý maqsatynda komıssııa qurylǵan.

Sondaı-aq, koronavırýsty ınfektsııamen aýyrǵan nemese oǵan kúdikti naýqasty kirgizbeý jáne aýrýdyń taralýyn boldyrmaýǵa baǵyttalǵan indetke qarsy sharalardyń keshendi jospary bekitildi.

Budan buryn Qyzylordada koronavırýs juqtyrǵandarmen baılanysta bolǵan 30 adam anyqtalǵan bolatyn.


Bizdiń kanalymyzǵa jazylyńyz:

Basty sózder: Qyzylorda oblysy, Koronavırýs,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT