+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Gúlshara Ábdiqalyqova elimizde fýtboldy qarjylandyrýǵa qatysty pikir bildirdi

2020 jylǵy 24 aqpan 13:35
Bólisińiz:
Gúlshara Ábdiqalyqova elimizde fýtboldy qarjylandyrýǵa qatysty pikir bildirdi

NUR-SULTAN. QazAqparat – Sporttyń basym baǵyttary boıynsha qarjylandyrý lımıtin zańnamalyq deńgeıde qarastyrý qajet. Bul týraly Parlament Májilisi Áleýmettik-mádenı damý komıtetiniń tóraıymy Gúlshara Ábdiqalyqova málim etti, dep habarlaıdy QazAqparat tilshisi.

Uqsas jańalyqtar
Fýtzal: Qazaqstandyq qaqpashy álemniń úzdigi atandy Fýtbol: «Qaıratqa» reseılik jartylaı qorǵaýshy keldi Fýtboldan Chempıondar lıgasynyń fınaly keıinge shegerildi

«Qoldanystaǵy normatıvterdi qaıta qarap, árbir eldi mekenniń sport ǵımaratyna degen naqty qajettiligine taldaý júrgizgen durys dep eseptemiz. Búginde sport salasynda memlekettik-jekeshelik áriptestik baǵytynda 105 joba ǵana bar. Onyń 22-sin jergilikti atqarýshy organdar iske asyrýda. Jalpy kólemi 600 myń sharshy metrden astam sport ǵımarattary qajet bolyp otyrǵan kezde, bul jobalardyń jetkiliksiz ekendigi kózge kórinip tur. Sondyqtan bizde qarjylandyrýdyń memlekettik emes kózderin izdeý kerek. Sol sebepti memlekettik-jekeshelik áriptestik tetigin belsendi túrde qoldana otyryp, demeýshilerdiń qarajatyn tartý máselesi sheshimniń tıimdi joldarynyń biri dep esepteımiz», - dedi Gúlshara Ábdiqalyqova Parlament Májilisindegi Úkimet saǵatynda.

Beıimdelgen dene shynyqtyrý men sportty damytýǵa járdemdesý máselesine toqtalǵan ol, bul taqyryp erekshe nazar aýdarýdy talap etetinin jetkizdi. Atap aıtqanda, oqýshylar saraıy men úıleriniń, sport mektepteriniń bazasynda beıimdelgen sport sektsııalaryn ashyp, arnaıy mamandar daıarlaý qajet.

«Jyldar boıy dene shynyqtyrý men sport salasy qaldyq prıntsıpi boıynsha qarjylandyrylyp kelgeni belgili. Taldaý kórsetip otyrǵandaı, jergilikti jerlerde qarajatty josparlaǵan kezde úılesimsizdik baıqalady. Mysaly, fýtboldy qarjylandyrýǵa jergilikti bıýdjetten sporttyń barlyq túrine bólingen qarjattan úshten bir bóligi jumsalady. Al keıbir óńirlerde tipti bıýdjettiń jartysy osy baǵytta jumsalatyn kórinedi. Sondyqtan sporttyń basym baǵyttary boıynsha qarjylandyrý lımıtin zańnamalyq deńgeıde qarastyrý qajet», - dedi depýtat.


Bizdiń kanalymyzǵa jazylyńyz:

Basty sózder: QR Úkimeti, Parlament, Sport,
Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT