+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Gúlnár Salyqbaı: Qazir búkil álem tyǵyryqqa tirelip tur

2020 jylǵy 1 sáýir 16:17
Bólisińiz:
Gúlnár Salyqbaı: Qazir búkil álem tyǵyryqqa tirelip tur

ALMATY. QazAqparat – Aqyn, QR Memlekettik syılyǵynyń laýreaty Gúlnár Salyqbaı Memleket basshysy Qasym-Jomart Toqaevtyń málimdemesine oraı pikir bildirdi, dep habarlaıdy QazAqparat tilshisi.

«Búgingi qıyn jaǵdaıda bir jaǵadan bas, bir jeńnen qol shyǵaryp, yntymaqtasa ómir súrmesek bolmaıdy. Menińshe, elimizde indetke qarsy sharalar der kezinde qolǵa alyndy. Úlken qalalar erterek jabylyp, aýrý basqa óńirlerge kóp tarala qoıǵan joq. Mundaı adamzat ómiri synǵa túsken kezeńde halyqqa eń aldymen memleket qamqorlyǵy kerek. Kóp jumystar istelip jatyr. Ony kórip te, sezip te otyrmyz. Prezıdent Qasym-Jomart Toqaevtyń 31 naýryzdaǵy málimdemesi el basyna kún týǵan kúrdeli kezeńde qınalǵan jurttyń kóńiline dem bergen altynkúrek jelindeı boldy. Talaı azapty bastan ótkergen elmiz ǵoı. Budan da ótermiz. Tek sabyrly bolaıyq», - deıdi aqyn.

Sondaı– aq, ol qazaqstandyqtardy Covid -19 koronavırýs ınfektsııasyn saq bolýǵa shyqyrdy.

«Qazir búkil álem tyǵyryqqa tirelip tur. Tipti adam balasyn ǵaryshqa ushyryp, ertegini shynǵa aınaldyrǵan ǵylym men tehnıka da sharasyz. Jer sharyn túgel qamtyǵan daýasyz dert aýyzdyq bermeı, kún saıyn qansha adamnyń ómirin jalmap, órship barady. Dúnıejúzindegi jaǵdaıdy túgel alaqandaǵydaı kórip otyrmyz. Esin tez jıyp, esik-terezesin qymtap úlgirgender durystala bastady, al endi qalypty tirshiliginen tanbaı, bul derttiń qaýiptiligin moıyndaǵysy kelmegender qatty qınalyp jatyr. Sondaı orny tolmas ókinishte qalmas úshin abaı bolaıyq, saq bolaıyq»,– deıdi Gúlnár Salyqbaı.

«Baýyrjan Momyshulynyń «Tártip tán úshin, yntymaq jan úshin kerek» degen sózi bar. Bul qurdymnan bizdi tek tártip, bir birimizge degen janashyrlyq pen tilektestik qana alyp shyǵa alady»,– dep túıindedi ol.

Aıta keteıik, keshe Prezıdent Qasym-Jomart Toqaev respýblıkalyq telearnalar efırinen málimdeme jasaǵan bolatyn.



Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT