Grýzııada koronavırýs taralýynyń jańa rekordy tirkeldi: bir kúnde – 17 530 jaǵdaı
2022 jylǵy 26 qańtar 18:49

Grýzııada koronavırýs taralýynyń jańa rekordy tirkeldi: bir kúnde – 17 530 jaǵdaı

TBILISI. QazAqparat – Grýzııada ótken táýlikte 17 530 adamnan koronavırýs anyqtaldy. Bul – pandemııa bastalǵaly eń joǵary kórsetkish, dep habarlaıdy QazAqparat «Novostı-Grýzııa» aqparattyq portalyna siltememen.

Sońǵy 24 saǵatta elde 5087 adam aýrýdan jazylyp shyqty, 39 naýqas qaıtys boldy. Úkimettiń stopcov.ge saıtynda jaqynda aqparat jańartyldy.

25 qańtarda Grýzııada 15 762 jaǵdaı tirkeldi, 5 160 naýqas saýyqty, 42 adam kóz jumdy.

Sońǵy táýlikte Grýzııada 78 172 test jasaldy. Kún saıyn testiniń 22,42% koronavırýs bar ekenin kórsetip otyr, 14 kúnde bul kórsetkish — 15,32%, al 7 kúnde — 19,58% boldy.

Jalpy Grýzııada pandemııa bastalǵaly koronavırýs juqtyrýdyń 1 092 684 jaǵda ıy tirkelgen, sonyń ishinde 977 832 adam jazyldy, 14 813 adam qaıtys boldy.

Qazirgi tańda elde 100 013 adam aýyryp jatyr, sonyń ishinde 4 651 adam aýrýhanada. 999 adam — aýyr halde. 283 adam ókpeni jasandy jeldetý apparatymen tynys alýda. 2 023 adam kovıd-qonaqúıde, al 93 339 adam úıde koronavırýstan emdelip jatyr. 32 adam karantınde.


Avtor:
Tilshi

Jańalyqtar

MURAǴAT