+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Grekııanyń eń jas depýtaty Shymkent qalasynyń týmasy

2020 jylǵy 2 jeltoqsan 01:30
Bólisińiz:
Grekııanyń eń jas depýtaty Shymkent qalasynyń týmasy

AFINA. QazAqparat - 2Qazaqstannyń Grekııadaǵy Elshisi Alekseı Volkov Shymkent qalasynda dúnıege kelgen jáne grek parlamenti músheleriniń arasynda eń jas depýtat Marııa Apatzıdımen kezdesti, dep habarlaıdy QazAqparat QR SІM baspasóz qyzmetine silteme jasap.

Áńgime barysynda taraptar ekijaqty qarym-qatynastardyń qazirgi ahýaly men damý keleshegin talqylady. Elshi grek depýtatyn elimizde júrgizilip jatqan qoǵamdyq-saıası reformalarmen, Tuńǵysh Prezıdent - Elbasy Nursultan Nazarbaevtyń bastamalarymen, sondaı-aq 2021 jylǵy 10 qańtarda ótetin Májilistiń kezekti saılaý aldyndaǵy naýqan barysymen jáne onyń ereksheligimen tanystyrdy.

Óz kezeginde M. Apatzıdı Qazaqstan men Grekııa arasyndaǵy yntymaqtastyqty, onyń ishinde parlamentaralyq dıalog arqyly jandandyrý qajettiligilimen kelisti. Depýtat Qazaqstannyń týmasy bola otyryp, ótken ǵasyrdyń sońynda tarıhı otanyna oralǵan grekterdiń arasynda Qazaqstanǵa jáne elde bolyp jatqan áleýmettik-ekonomıkalyq, saıası, mádenı úderisterge qyzyǵýshylyqtyń artyp jatqanyn ataı otyryp, eki el arasynda týrıstter almasýdy keńeıtýdiń joǵary áleýetine nazar aýdardy.

Sonymen qatar, depýtat eki el arasyndaǵy yntymaqtastyqty odan ári keńeıtý jónindegi bastamalardy qoldaýǵa óziniń yntaly ekendigin bildirdi. Osyǵan rastaý retinde Qazaqstan Respýblıkasynyń Mádenıet jáne sport mınıstrligi men Grek Respýblıkasynyń Týrızm mınıstrligi arasyndaǵy Týrızm salasyndaǵy yntymaqtastyq týraly memorandýmdy Grekııa Parlamentiniń plenarlyq otyrysynda maquldaý barysynda ózi múshesi bolyp tabylatyn «MeRA-25» partııasynyń tolyq qoldaý bildirgenin keltirdi.

Kezdesý sońynda taraptar baılanystardy jalǵastyrýǵa ýaǵdalasyp, keń aýqymdy máseleler boıynsha Qazaqstan men Grekııa arasyndaǵy qarym-qatynastardy odan ári nyǵaıtýǵa baǵyttalǵan birlesken jumystardyń keleshegin belgiledi.

Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT