+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Grekııada bosqyndarǵa arnalǵan eń úlken lager órtenip ketti

2020 jylǵy 10 qyrkúıek 10:02
Bólisińiz:
Grekııada bosqyndarǵa arnalǵan eń úlken lager órtenip ketti

MILITENA. QazAqparat – Grekııanyń Lesbos aralynda bosqyndar turatyn lager órtenip ketti. Buǵan deıin, seısenbiden sársenbige qaraǵan túni bolǵan birinshi órt kezinde lager qatty zardap shekken edi. Bul týraly QazAqparat BBC agenttigine silteme jasap habarlaıdy.

Abyroı bolǵanda, qaza tapqandar joq, alaıda keıbir mıgranttar ıis tıip ýlanǵan. Bastapqyda 3 myń adamǵa eseptelgen lagerde 13 myńǵa jýyq adam turǵan. Bul – 70 eldiń mıgranttary, kóbi aýǵandyq azamattar bolǵan. Buǵan deıin Grekııanyń premer-mınıstri Kırıakos Mıtsotakıs bolǵan oqıǵada bosqyndardyń ózderin kinálaǵan.

Onyń aıtýynsha, olar 35 mıgranttan koronavırýs anyqtalǵan soń, úlken agressııaǵa jol bergen. El bıligi aýrýǵa shaldyǵyp, karantınnen qashyp ketpek bolǵan barlyq mıgranttardy ustaǵanyn aıtty.

Órtten keıin bosqyndarǵa lager aýmaǵynan ketýge ruqsat etildi, alaıda polıtsııa olardyń kórshiles eldi mekenderge kirýin boldyrmaý úshin joldardy jaýyp tastady. Myńdaǵan adam panasyz qalǵan. El bıligi olarǵa ýaqytsha baspana izdep júr. Germanııanyń Syrtqy ister mınıstri Haıko Maas bolǵan oqıǵany gýmanıtarlyq apat dep atap, Tvıtterde bosqyndardy olardy qabyldaýǵa daıyn bolǵan EO elderine úlestirý qajettiligi týraly jazdy. Kelip jatqan habarlamalarǵa sáıkes, kórshiles kenttiń turǵyndary bosqyndardy ózderiniń eldi mekeninen ary qaraı ótkizbeıdi.

BUU Joǵarǵy komıssarynyń bosqyndar isi jónindegi basqarmasy bosqyndar men jergilikti turǵyndar arasyndaǵy qatynastyń shıelenisýi jaıynda biletinin málimdedi. «Biz barlyǵyn sabyrlylyq tanytýǵa jáne lagerde bolǵandardyń barlyǵyn ýaqytsha sheshim tabylmaıynsha óz oryndarynda qalýyn suraımyz», - delingen basqarma málimdemesinde.

Araldyń órt sóndirý bóliminiń bastyǵy Konstantınos Teofılopýlos órt seısenbiden sársenbige qaraǵan túni birden úsh jerde bolǵanyn jetkizdi.

Onyń aıtýynsha, mıgranttar órt sóndirýshilerge jalyndy sóndirýge kedergi keltirgen. Jalyn sársenbi tańyna qaraı sóndirildi.

Tergeýshiler ádeıi órtep jiberý nusqasyn da qarastyryp otyr, biraq buǵan aıǵaq dálel joq.


Bizdiń kanalymyzǵa jazylyńyz:

Bólisińiz:

Avtor:

Zarına Týǵanbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT