+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Google koronavırýspen kúreske óz úlesin qospaq - Sheteldegi qazaq tildi BAQ-qa sholý

2020 jylǵy 5 sáýir 20:30
Bólisińiz:
Google koronavırýspen kúreske óz úlesin qospaq - Sheteldegi qazaq tildi BAQ-qa sholý

NUR-SULTAN. QazAqparat- «QazAqparat» HAA ádettegideı sheteldegi qazaq tilinde taraıtyn aqparat kózderine aptalyq sholýyn usynady.

Velosıped jáne mototsıklmen júrýge tyıym salyndy - «ÓzA» aqparattyq agentti

Ózbekstan Respýblıkasynyń Tashkent jáne Núkis qalalary men basqada oblys ortalyqtarynda karantındik jaǵdaı baqylaýynyń kúsheıtilýine oraı, velosıped, mototsıkl sanatyna jatatyn trasport kólikteriniń qozǵalysy májbúrli túrde 6 sáýirden bastap shektelmek, dep habarlaıdy «ÓzA».

Ózbekstandyq BAQ-tyń jazǵan dereginshe, budan bólek, saýda dúkenderi men kóshedegi qozǵalys kezinde adamdar aradaǵy 2 metrlik qashyqtyqty saqtaýǵa mindetteledi. Іri aýyl-sharýashylyq bazarlaryna dene qyzýy 37 gradýstan joǵary bolǵan azamattardyń kirýine tyıym salynǵan. Tártip buzǵandar zań júzinde qatań jazalanbaq. «Osy túrdegi qatań shekteýler tek qana asa qajettilikter kezinde azyq-túlik, tamaq, dári-dármek, medıtsınalyq zattar alýǵa shyqqandar men jumysqa qatynaýshylarǵa ǵana ruqsat etilgen» dep jazdy «ÓzA» aqparattyq agentti.

«Jambyl - jyr alyby» degen taqyrypta oqýshylar aıtysy ótti - «Tamdy sharýageri» gazeti

Ózbekstanda shyǵatyn «Tamdy sharýageri» gazetinde «Aıtys - qudiretti óner» degen mazmunda oqýshylardy ulttyq ónerge baýlý maqsatyndaǵy óner báıgesi ótkeni habarlandy.

Jazba avtory aıtys óneriniń shyǵý tarıhy týraly aıta kelip, bul ónerdiń ıelerin óz qadirinshe qoldap otyrý kerektigin sóz etken.

«Aıtys ónerin keń jaıdyrý arqyly oqýshylardy ulttyq qundylyqtarymyzǵa qurmetpen qaraýǵa baýlı alamyz. Men sabaq ótý is-tájirıbemde muny jıi qoldanamyn. Osyndaı aıtysty jýyqta mektebimizdegi joǵary synyp oqýshylary arasynda synyptan tys jumys retinde uıymdastyrdym. Keremet nátıje berdi. Oqýshylar ózderin beıne shyn aıtyskerlerdeı sezinip, bir-birimen sóz talastyryp, qulshyna aıtysqanyn qyzyǵa tamashalaǵan kópshilik kórermen aıtysker oqýshylar ónerine qyzý qoshemet kórsetti...», dep jazady «Tamdy sharýageri» gazetinde.

Tamdy aýdanyndaǵy mektep oqýshylary arasynda ótken bul aıtysty jyr alyby Jambyl aqynnyń 174 jasqa tolý kúnine oraı uıymdastyrylyp, mádenı sharanyń ataýy «Jambyl - jyr alyby» dep atalǵan eken.

«Aıtysqa Aqúlpek Ǵalymjanqyzy Tańjaryqova, Alfııa Sakenqyzy Aldııarova, Meıirjan Baıqasymuly Abdırasılov, Akmaral Berdıǵalıuly Egembergenova qatynasyp, qyzyqty da áserli ótti», dep túıindeıdi maqala avtory.

Ýhandaǵy arnaıy gospıtaldy salǵan jumysshylar marapattaldy - Qytaıdyń «Ortalyq halyq radıosy» (CNR)

Ýhanǵa Hoshynshan jáne Leıshynshan dep atalatyn pnevmonııalyq naýqastardy emdeıtin eki aýrýhanany salýǵa búkil elden 30 000-nan astam jumysshy kelgen edi, dep habarlaıdy Qytaıdyń «Ortalyq halyq radıosy».

Tótenshe jaǵdaıǵa baılanysty gospıtaldy sanaýly kúnde salynyp bitkennen keıin bul jumysshylardy qalaı ornalastyrý kerek degen jańa suraq týyndaǵan.

Onyń ústine bul jumysshylardyń kóbi eldiń basqa óńirlerinen kelgendikten, olardy úıine jiberip, alys qashyqtyqtan karantındik baqylaýǵa ustaý qaýipti edi. Sol sebepti jumysshylardy Ýhandaǵy karantındik oqshaýlaý oryndaryna jibergen. Bul týraly Qytaı qurylys úshinshi bıýrosynyń bas menedjeri Chen Veıgýo aıtyp berdi, dep málimdeıdi atalǵan aqparat kózi.

Kazakcnr.com aqparat kóziniń deregine súıensek, karantındik oqshaýlaý ornynda 20 000 qurylysshyny ornalastyrýǵa týra kelgen.

«Biz olardyń mıgrant-jumysshy retindegi mártebesin, onyń karantındik kezeńindegi ómir súrý baǵasyn eskerip, arnaıy qonaqúılerde turýǵa sýbsıdııa retinde árbirne kúnine 300 ıýan berdik. Jalpy jumysshylardy 15 kúndik baqylaýǵa ustadyq. Osynyń bárin qosqanda ár jumysshyǵa biz jalpy 31 000 ıýan karantındik tólem jasadyq», - deıdi bas menedjer. Qurylystyń bas menedjeriniń sózine sensek, Hoshynshan jáne Leıshynshandy turǵyzýda keıbir jumysshylar 24 saǵat, tipti 36 saǵat jumys istegen kezderi bolǵan. Óıtkeni ol jerde jumysshylardyń mindeti tek aqsha tabý úshin ǵana emes, el basyna tóngen asa qaýipti kezeńdi jeńý bolǵan. Atalǵan suhbatta eki gospıtaldy salýda jumys istegen jumysshylardyń da pikirleri keltirilgen. Olardyń oıynsha, asa qıyn kezeńde bul eki aýrýhanany salý abyroıly sharýa bolǵan. «Ol kezde memleket bizge muqtaj bolsa biz barýymyz kerek dep oıladyq. Aqsha úshin bolsa barmaýshy edik. Sebebi ol kezde Hýnanda juqpaly indettiń taralýy qatty órship turǵan. Eger juǵymdalsa aman qalýymyz ekitalaı dep esepteletin edi. Jumys bitkennen keıin qurylysshylarǵa «Sizder batyrsyzdar» degen alǵys hat jazyp taratty. Bul biz úshin ómirdegi eń úlken syılyq boldy», deıdi jumysshylardyń biri.

Iranda koronavırýsqa shaldyqqandardan 20 myńǵa jýyq adam jazylyp shyqty - «Fars» aqparat agenttigi

Irannyń Densaýlyq saqtaý jáne medıtsınalyq bilim mınıstrligi Iranda koronavırýsqa shaldyqqan 19736 adam emdelip, aýrýhanalardan shyǵarylǵan, - dep habarlaıdy «Rarstoday» aqparat agenttigi.

«Iranda 55743 adam koronavırýsty juqtyrǵan. Ótken bir táýlikte atalǵan indetke shaldyqqan 158 adamnyń qaza bolýymen, Iranda osy naýqastan ólgen adamdar sany 3452-ge jetti»,- deıdi Irannyń Densaýlyq saqtaý mınıstrliginiń qoǵammen baılanys jáne aqparat ortalyǵynyń jetekshisi Kıanýsh Jahanpýr senbi kúni tilshilerge bergen suhbatynda», - dep jazady Rarstoday.

Google-de koronavırýspen kúreske óz úlesin qospaq - TRT

Kompanııa 131 el men aımaqta adamdardyń qozǵalysyna baılanysty derekterdi jarııalap turatynyn bildirdi, - dep habarlaıdy Túrkııa Radıo Televızııa portaly.

Altalǵan derek kóziniń málimetine súıensek, Google koronavırýstyń jańa túrimen kúreste kimderdiń «Úıde otyr» degen eskertýlerdi nazarǵa almaǵanyn kórsetý úshin ornalasqan jerdi jarııalaıtynyn habarlaǵan. Kompanııa habarlamalar arqyly 131 el men aımaqta adamdardyń qozǵalysyna baılanysty derekterdi jarııalap turatynyn aıtqan.

«Epıdemııamen kúreske qoldaý berý úshin adamdardyń qaıda júrgenin kórsetetin birinshi derek búgin jarııalandy(bul aqparat 4 sáýir kúni jaryq kórgen bolatyn). Budan ári kompanııa adamdardyń qozǵalystaryn baqylap, úkimet jáne densaýlyq saqtaý organdaryna málimet beredi. Derekterde adamdardyń market, dárihana, saıabaq nemese jumys orny sekildi jerlerge barǵany, osy jerlerde qanshalyqty kóp adam bolǵany týraly da málimet bolady», dep túıindeıdi túrkııalyq BAQ.

«Kópshilik indet qurbandaryn qımastyqpen sońǵy saparǵa attandyrdy» - Qytaıdyń «Ortalyq halyq radıosy» (CNR)

Qytaıda 4 sáýir jańa koronavırýs ınfektsııasy pandemııasynan kóz jumǵandardy jalpyulttyq aza tutý kúni bolyp jarııalaǵan bolatyn.

QHR-nyń tóraǵasy Sı Tszınpın jáne partııa men memleket basshylary búkil Qytaı halqy koronavırýs indetinen qaıtys bolǵan naýqastarǵa, sondaı-aq patsıentterin emdeý barysynda vırýs juqtyryp qaza tapqan qaharman dárigerlerge aza bildirdi, dep habarlaıdy Qytaıdyń «Ortalyq halyq radıosy».

«4 sáýir kúni saǵat 10:00-de, Sı Tszınpın bastaǵan memleket basshylary koronavırýs indetinde qaıtys bolǵan otandastarǵa 3 mınýt únsiz turyp aza bildirdi.

Beıjińdegi Tııan-anmyn jáne Memlekettik halyq quryltaıy turaqty kómıteti, Memlekettik keńes, Memlekettik Saıası keńes, Ortalyq áskerı ister kómıteti, Eń joǵary halyq sot mekemesi, Eń joǵary halyq prokýratýrasy jáne búkil elimizde jáne elimizdiń shetelderdegi elshilikterinde tý jartylaı túsirilip aza bildirildi», dep jazady CNR.

Jazba sońynda «Elimizdiń jer-jerinde, memlekettik eń joǵary deńgeıdegi aza bildirý sharalary ótkizilip, qara jamylǵan otbasylarǵa kóńil aıtty jáne idet qurbandaryn kópshilik qımastyqpen sońǵy saparǵa attandyrdy», dep túıindeıdi qytaılyq BAQ.


Bizdiń kanalymyzǵa jazylyńyz:

Basty sózder: Qandastar, BAQ,
Bólisińiz:

Avtor:

Beısen Sultan

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT