Gonkongtegi qaqtyǵys: Qazaqstan azamaty ustaldy

NUR-SULTAN. QazAqparat - Gonkong qalasynda narazylar men polıtsııa arasyndaǵy qaqtyǵys kezinde Qazaqstan azamaty ustaldy. Bul týraly QR Syrtqy ister mınıstrliginiń baspasóz qyzmetinen málim etti, dep habarlaıdy QazAqparat tilshisi.
«Gonkong qalasy polıtsııasynyń qazaqstandyq dıplomattarǵa usynǵan aqparatyna sáıkes, 18 qarasha kúni narazylyq tanytýshylarmen qaqtyǵys barysynda Qazaqstan azamaty, Gonkong Baptıst ýnıversıtetiniń birinshi kýrs stýdenti Núkpı Ábilqaıyr ustalǵan. Konsýl azamatymyzǵa bardy, onyń densaýlyq jaı-kúıi turaqty, oń qolynyń shyntaǵynda ustaý kezinde qulaǵat sátte alǵan azdaǵan jaraqaty bar. Ustalý jaǵdaıyna eshqandaı shaǵymy joq», - dep atap ótedi mınıstrlikten.
Vedomstvo málimetinshe, búgin onyń isine qatysty aldyn ala tyńdaý ótken. Qazirgi ýaqytta Qazaqstannyń bas konsýly bul isti aıryqsha baqylaýyna alyp otyr. Dıplomattarymyz da Qazaqstan azamatynyń quqyqtarynyń saqtalýyn qadalaǵap otyrmaq.
«Degenmen, dıplomattar qylmystyq ister jónindegi advokat izdep jatyr. Atap óterligi, sońǵy ýaqytta Gonkongta 4 myńnan astam adam ustaldy jáne osyǵan baılanysty advokattardyń jetispeýshiligi baıqalady,», - dedi mınıstrlikten.
Buǵan deıin Qazaqstannyń Gonkongtegi Bas konsýldyǵy Gonkongtegi (QHR) jaǵdaıdyń shıelenisýine jáne jappaı narazylyq aktsııalarynyń jalǵasýyna baılanysty elimizdiń azamattaryna qalada qalyptasqan tótenshe jaǵdaıdy eskerýdi ótingen bolatyn.
Buǵan qosa QR Syrtqy ister mınıstrliginiń resmı ókili Aıbek Smadııarov sol jaqtaǵy qazaqstandyq stýdentterdi elge oralýǵa shaqyrǵan edi.
Jalpy osy ýaqytqa deıin Gonkongtaǵy ereýil kezinde QR Syrtqy ister mınıstrligine Qazaqstannyń eki azamaty júgingeni belgili.
- Qytaıda koronavırýstyń órshýine baılanysty aýrýhana-ızolıator salyna bastady
- Italııa Parlamenti depýtattar palatasynyń kvestory «Dostyq» ordenimen nagradtaldy
- DDSU sarapshylar toby COVID-19-dyń paıda bolý sebebin anyqtaý úshin Ýhanǵa keldi
- Almatyda Qazaqstan men AQSh damýǵa resmı kómek salasyndaǵy yntymaqtastyqty talqylady
-
Qazaqstan DZMU-ǵa Ónerkásiptik úlgilerdi qorǵaýǵa qatysty qujatty tapsyrdy
-
Qazaqstandyq oqýshy Qyrǵyzstandaǵy taý-shańǵy bazasynda mert boldy
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam