Gonkongte indet taraǵaly alǵash ret lokdaýn engizildi

GONKONG. QazAqparat – Gonkongte pandemııa bastalǵaly alǵashqy lokdaýn engizildi. Biraq ol búkil qalaǵa qatysty emes, tek halyq tyǵyzdyǵy erekshe joǵary jáne kedeı toptar ómir súretin onyń keıbir aýdandaryna qatysty, dep habarlaıdy QazAqparat VVS-ge silteme jasap.

Uqsas jańalyqtar

Batys Qazaqstanda sońǵy úsh kúnde 144 adamnan koronavırýs tabyldy

Qyrǵyzstan Prezıdenti Qazaqstan basshysyna koronavırýspen kúreste qoldaýy úshin alǵys aıtty Nıý-Iork gýbernatoryn uıatty qylyq kórsetti dep osymen úshinshi áıel aıyptady Oralda gaz mekemesiniń 7 qyzmetkerinen koronavırýs anyqtaldy

Djordan aýdanynda kópqabatty úılerde turatyn shamamen 10 myńǵa jýyq adamǵa úıden shyqpaýǵa nusqaý berildi. Aýdannyń barlyq turǵyny testileýden ótpeıinshe olar úıden shyqpaýy kerek.

Bılik oǵan 48 saǵat ketetinin aıtty. Osy ýaqyt aralyǵynda 150 kópqabatty úıdiń turǵyndary tekseriledi.

Gonkong Qytaıdyń ortalyq aýdandarynan jańa koronavırýs «ákelingen» alǵashqy oryndardyń birine aınaldy.

Biraq bılik qatań lokdaýn engizbeı-aq shekteý sharalary men aıyppul júıeleriniń kómegimen jaǵdaıdy baqylaýda ustady. Munda aýrýǵa shaldyqqandardyń jalpy sany 10 myńnan aspaıdy. Koronavırýstan bar-joǵy 170 adam kóz jumǵan.

Alaıda sońǵy eki aıda qalada Djordan aýdanyna taraǵan epıdemııanyń tórtinshi tolqyny bastaldy. Munda qańtardyń alǵashqy 20 kúninde koronavırýs juqtyrýdyń 162 jaǵdaıy anyqtalǵan.