Golovkınniń DAZN-men shartty qandaı jaǵdaıda uzarta alatyny belgili boldy

NUR-SULTAN. QazAqparat – Boxingnews24.com saıtynyń jýrnalısi Barrı Holbrýk IBF jáne IBO boıynsha orta salmaqtaǵy álem chempıony Gennadıı Golovkın qoldanystaǵy shart merzimi aıaqtalǵannan keıin DAZN strımıngtik servısimen yntymaqtastyqty uzarta alady dep sanaıdy.

Bul týraly QazAqparat Sports.kz- ke silteme jasap habarlaıdy.

2019 jyly GGG jalpy syıaqy mólsheri 100 mıllıon dollar bolatyn alty jekpe-jek shartyna qol qoıǵan edi. Kelisim aıasynda Gennadıı ázirge eki jekpe-jek ótkizdi: Stıv Rollsty nokaýtqa túsirdi jáne Sergeı Derevıanchenkony jeńdi. 18 jeltoqsanda qazaqstandyq kásipqoı boksshy Polshadan shyqqan Kamıl Sheremetamen jekpe-jekke shyǵady.

«Golovkınniń DAZN-daǵy aldyńǵy jekpe-jekteri Rolls pen Derevıanchenkomen ótti. Bul jekpe-jekterdiń aýqymy aıtarlyqtaı keń bolǵan joq. Sondyqtan strımıng basqarmasy bul kezdesýler týraly qandaı oıda boldy degen suraq týyndaıdy. Eger Golovkın DAZN-men shart boıynsha qalǵan tórt jekpe-jegin jeńilissiz aıaqtasa, platforma onymen taǵy bir qysqa merzimdi kelisimge qol qoıýy múmkin. Bul jaǵdaıda DAZN onymen taǵy eki-úsh jekpe-jek boıynsha kelisimge qol qoıady dep kútýge bolady», – delingen maqalada.